Í áfanganum er lögð áhersla á margmiðlun og sviðslistir. Nemendur kynna sér þá fjölbreyttu vinnu sem liggur að baki einni leiksýningu eða kvikmynd. Nemendum gefst tækifæri til að velja sér a.m.k. tvær leiðir til að skapa og miðla sínu eigin efni og öðlast þannig dýpri skilning á viðfangsefninu t.d. leiklist, myndasögur, kvikmyndir, teiknimyndir, hlutverkaleikir, hlutverkaspil, tölvuleikjafræði, dans, uppistand, tónlist.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
fjölbreyttum störfum í leikhúsi
birtingarmynd sviðslista
gildi sviðslista og margmiðlunar í samfélaginu
mismunandi leiðum til miðlunar
Nemandi skal hafa öðlast leikni í að:
greina þau fjölbreyttu störf sem liggja að baki uppsetningu leikverka
koma hugmyndum sínum á framfæri á skapandi hátt
nýta mismunandi miðla til sköpunar
Nemandi skal geta hagnýtt þá almennu þekkingu og leikni sem hann hefur aflað sér til að:
gera sér grein fyrir þeirri fjölbreyttu vinnu sem liggur að baki leiksýningar
greina styrkleika og veikleika mismunandi miðla
vera upplýstir neytendur margmiðlunarefnis og sviðsverka
miðla hugmyndum sínum á fjölbreyttan hátt
Námsmat: Leiðsagnarmat. Áhersla á umsagnir sem leiða nemandann áfram.