Í áfanganum er unnið með fjölbreyttar verklegar æfingar sem ýmist reyna á vísindaleg vinnubrögð eða þjálfa hagnýta verkkunnáttu. Markmiðið er að ýta undir forvitni nemenda og þjálfa þá í mismunandi vinnubrögðum. Einnig æfast nemendur í að setja fram eigin tilgátur í félags- og raunvísindum, prófa þær með tilraunum og vinna með niðurstöður.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
einföldum framkvæmdum sem tengjast mismunandi iðngreinum
tilgátuprófun í félagsvísindum
tilgátuprófun í raunvísindum
Nemandi skal hafa öðlast leikni í að:
framkvæma einföld verkefni í viðhaldi heimila
setja fram einfalda tilgátu og prófa hana
beita vísindalegum vinnubrögðum
Nemandi skal geta hagnýtt þá almennu þekkingu og leikni sem hann hefur aflað sér til að:
hafa betri skilning á fjölbreytileika iðngreina
geta ályktað um hugmyndir sínar með markvissum hætti
skilja mikilvægi vísindalegra vinnubragða
Námsmat: Leiðsagnarmat. Áhersla á umsagnir sem leiða nemandann áfram.