Í áfanganum munu nemendur kynnast Íslandi frá hinum ýmsu hliðum. Umfjöllunarefni eru meðal annars íslensk hönnun, nýsköpun og afurðir. Auk þess verður fjallað um landfræði og lífshætti á mismunandi stöðum á landinu. Einnig verða helstu atvinnuvegir skoðaðir og hvernig Íslendingar nýta auðlindir sínar. Nemendur skoða hvernig Ísland er kynnt í öðrum löndum og leggja mat á þær upplýsingar sem gefnar eru og hvort þær eigi sér stoð í raunveruleikanum. Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
atvinnuvegum og nýsköpun á Íslandi
framleiðslugreinum á Íslandi
landfræði Íslands
nýtingu auðlinda
ímynd Íslands út á viðnýtingu auðlinda
Nemandi skal hafa öðlast leikni í að:
tjá sig um Ísland, atvinnuvegi þess og afurðir
ræða um auðlindir Íslands og nýtingu þeirra
leita sér upplýsinga og vinna úr þeim
Nemandi skal geta hagnýtt þá almennu þekkingu og leikni sem hann hefur aflað sér til að:
leita sér upplýsinga um Ísland á öðru tungumáli en íslensku
leggja mat á upplýsingar
miðla upplýsingum
Leiðsagnarmat. Áhersla á umsagnir sem leiða nemandann áfram.