Þessi áfangi byggist á umræðum, bæði formlegum og óformlegum, þar sem nemendum gefst tækifæri til að koma með hugmyndir að umræðuefni. Nemendur þjálfast í að skiptast á skoðunum og upplýsingum, skoða sjónarmið sitt og annarra. Einnig þjálfast nemendur í að hlusta á aðra, bera virðingu fyrir hugmyndum annarra og spyrja spurninga.
Námið byggist á hugmyndafræði persónumenntar og því er ætlað að efla gagnrýna hugsun, sjálfsþekkingu, heilbrigðan lífsstíl, stærðfræði- og tungumálakunnáttu. Verkefnum er haldið til haga fyrir raunfærnimat á áframhaldandi námi.
Nemandi skal hafa öðlast þekkingu og skilning á:
að öll mál hafa mismunandi sjónarhorn
mikilvægi þess að færa rök fyrir máli sínu
nauðsyn þess að kanna áreiðanleika upplýsinga
Nemandi skal hafa öðlast leikni í að:
taka þátt í umræðum
tjá skoðanir sínar
mynda sér skoðun eftir að hafa kynnt sér mismunandi sjónarhorn
Nemandi skal geta hagnýtt þá almennu þekkingu og leikni sem hann hefur aflað sér til að:
setja sig í spor annarra
taka upplýsta ákvörðun
rökstyðja mál sitt
Leiðsagnarmat. Áhersla á umsagnir sem leiða nemandann áfram.