Í áfanganum eru íslenskar kvikmyndir af ýmsu tagi til umfjöllunar. Fjallað er um sögu kvikmyndagerðar á landinu og tengsl hennar við samfélag. Um leið og skoðað verður það samfélagsmynstur sem kemur fram í myndum sem horft verður á, greinum við þau gildi, hefðir og skoðanir sem lesa má út úr þeim. Íslensk menning er því til grundvallar því sem unnið er í sambandi við þær kvikmyndir sem verða sýndar í áfanganum. Lögð verður áhersla á ólílkar gerðir kvikmynda.
ÍSLE2MG05
Nemandi skal hafa öðlast þekkingu og skilning á:
Nemandi skal þekkja til helstu kvikmynda í íslenskri kvikmyndasögu, íslenska kvikmyndaleikstjóra og einkenni þeirra og geti greint á milli ólíkra gerða kvikmynda.
Nemandi skal átta sig á byggingu kvikmynda og ýmsum öðrum greiningarþáttum, eins og til dæmis tónlist, lýsingu, myndatöku og klippingu.
Nemandi þarf að geta rökrætt um tengsl kvikmyndagerðar og samfélags.
Nemandi skal hafa öðlast leikni í að:
Nemandi geti tekið þátt í umræðu um kvikmyndir og fært rök fyrir máli sínu.
Nemandi þarf að geta komið þekkingu sinni á framfæri í ræðu og riti.
Nemandi þarf að geta greint tíðaranda í kvikmyndum.
Nemandi skal geta hagnýtt þá almennu þekkingu og leikni sem hann hefur aflað sér til að:
Nemandi þarf að geta greint kvikmyndir og helstu undirþætti.
Nemandi þarf að geta skilgreint og áttað sig á hvað felst í því að aðlaga skáldsögu að kvikmynd og átta sig á mismunandi tegundum aðlögunar.
Nemandi þarf að geta greint erindi kvikmyndarinnar við sinn samtíma.
Nemandi þarf að geta rætt á gagnrýninn hátt um þá samfélagsmynd sem fram kemur í kvikmynd.
Lögð er áhersla á sjálfstæð vinnubrögð og frumkvæði hvers og eins. Nemendur taka virkan þátt í mótun áfangans og fjölbreytt verkefnavinna verður í boði. Áfanginn byggist á þátttöku og samvinnu alla önnina.