Í þessum áfanga kynnast nemendur norrænni goðafræði og hugmyndaheimi norrænna manna til forna. Þá er einnig fjallað um sögu tungumálsins, uppruna þess og þróun. Nemendur fá þjálfun í munnlegri tjáningu og ritun. Áhersla er lögð á að nemendur þjálfist í úrvinnslu heimilda um sérhæfð efni, einkum bókmenntir. Gert er ráð fyrir að nemendur nýti sér kosti upplýsingatækni við verkefnavinnu.
Að nemandi hafi lokið áfanganum ÍSLE2RB05
Nemandi skal hafa öðlast þekkingu og skilning á:
sögu íslenskrar tungu frá upphafi til okkar daga, einkennum hennar og tengslum við önnur tungumál
fornum hugmyndaheimi norrænna manna, norrænum goðum og sögum af þeim
meginatriðum íslenskrar málstefnu, orðasmíð og merkingu orða og orðasambanda
mikilvægi vandaðra vinnubragða við úrvinnslu heimilda
Nemandi skal hafa öðlast leikni í að:
nota fræðibækur og -greinar við gerð heimildaritgerða og verkefna
vitna í heimildir, vísa til þeirra og skrá á viðeigandi hátt
nota bókmenntafræðileg hugtök við greiningu og túlkun
tjá skoðanir sínar á námsefninu með skipulögðum og rökstuddum hætti
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á gildi heimilda og vinna úr þeim með skipulögðum hætti
greina og túlka bókmenntatexta og færa rök fyrir skoðunum sínum jafnt munnlega sem skriflega
skrifa vandaðan texta á góðu og blæbrigðaríku máli
vinna sjálfstætt og í samvinnu við aðra
Námsmat byggir á fjölbreyttum verkefnum, bæði munnlegum og skriflegum. Lokaverkefni úr efni Snorra-Eddu er veigamikill þáttur í námsmatinu. Ein könnun verður lögð fyrir úr málsögu en nemendur vinna einnig hópverkefni um efnið þar sem sem ítarlega er fjallað um íslenskt mál frá ýmsum sjónarhornum. Jafnframt skrifa nemendur eina kjörbókarritgerð.