Markmið áfangans er að virkja skapandi hugsun og framtaksemi nemenda.
Nemendum kynnast hugmyndafræði nýsköpunar og frumkvöðlamenntar sem og hinum ýmsu og fjölbreyttu verkfærum sem hægt er að nýta til þess að vinna með hugmyndir og koma þeim frá teikniborðinu yfir í raunveruleikann.
Þarfagreining er mikilvægur þáttur í því að finna og vinna með nýjar hugmyndir - þ.e.a.s. finna þarfir og leita svo lausna við þeim.
Áfanginn byggir á þverfaglegum grunni þar sem verklag, skráning og áætlunargerðir liggja til grundvallar öllu starfi.
Nemendur vinna og þróa hugmynd frá þörf yfir í viðskiptaáætlunog þaðan yfir í afurð.
Áhersla er lögð á sjálfstæð vinnubrögð sem og samvinnu í öllu starfi, einnig er áhersla lögð á að efla siðferðisvitund með tilliti til efnisnotkunar og höfundaréttar.
Nemandi skal hafa öðlast þekkingu og skilning á:
gildi og mikilvægi gagnaöflunnar
eignar- og hugmyndarétti með tilliti til sköpunar
gildi skipulags í sköpunarferli
mikilvægi skipulagðra vinnubragða
hvernig er unnið með hugmyndir og þær þróaðar
Nemandi skal hafa öðlast leikni í að:
afla gagna
gera áætlanir
skrásetja og vinna með hugmyndir
geta kynnt og fjallað gagnrýnið um eigin hugverk sem og hugverk annara
greina þarfir
útfæra hugmyndir á margvíslegan máta
Nemandi skal geta hagnýtt þá almennu þekkingu og leikni sem hann hefur aflað sér til að:
skapa viðskiptaáætlanir
vinna með huglægar sem og verklegar hugmyndir
vinna með framsetningu hugmynda og verkefna
skrásetja og fullvinna hugmyndir
vinna gagnrýnið með eigin hugmyndir sem og hugmyndir annara
vinna viðskiptaáætlanir
vinna að því að komast frá lausn til afurðar og frá afurð til viðskiptaáætlunar