Í áfanganum er dýpkuð þekking úr fyrri nýsköpunaráföngum þar sem unnið er út frá nýsköpunar-og frumkvöðlahugsun. Nemendur vinna að umfangsmiklu lokaverkefni sem spannar alla önnina. Nemendur vinna út frá aðferðafræði nýsköpunar- og frumkvöðlamenntar. Lögð er mikil áhersla á hönnunar, mótunar og úrvinnsluferlið. Lögð er áhersla á að ítarlegar og uppbyggilegar umræður eigi sér stað um viðfangsefnin á öllum vinnslustigum. Nemendur rökstyðja niðurstöður verkefna með framsetningu sem við á hverju sinni og taka þátt í gagnrýnni umræðu um verk sín og annarra. Í lok annar verður opin sýning á lokaverkefnum nemenda þar sem þeim gefst kostur á því að markaðssetja og kynna hugverk sín.
NÝSK2HH05
Nemandi skal hafa öðlast þekkingu og skilning á:
nýsköpun; uppbyggingu, aðferðum, hugtökum og sögu
faglegri kunnáttu í faginu og geti miðlað þekkingu sinni á fjölbreytilegan hátt svo sem munnlega,skriflega, verklega og/eða með nýmiðlum
nýsköpun og geta sett hana í samfélagslegt og alþjóðlegt samhengi með umræðum, lestri, hlustun, áhorfi, greiningu og samanburði
samfélagslegu og menningarlegu gildi nýsköpunar
Nemandi skal hafa öðlast leikni í að:
velja réttar aðferðir til að útfæra hugmyndir sínar hvað varðar, tækni, verklag og skapandi aðferðir sem endurspegla hugmyndavinnu tengda nýsköpun og inntaki verkefna
skipuleggja verkferlið með ábyrgum og sjálfstæðum hætti
sýna frumkvæði og vera skapandi í mótun hugmynda sinna
tjá sig á skýran, ábyrgan, gagnrýninn og skapandi hátt um eigin hugmyndir, verkferli og niðurstöður
taka þátt í samvinnu með sameiginlegt markmið hópsins að leiðarljósi
beita af öryggi mismunandi miðlunarleiðum og geta valið viðeigandi leið með tillit til verkefna og aðstæðna hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
beita þeirri sérhæfðu verkkunnáttu sem hann hefur áunnið sér í áfanganum
þróa hugmyndir og sýna áræðni við útfærslu þeirra og túlkun
vinna verk af innsæi, tilfinningu og með greinandi vinnuferli
gera sér grein fyrir fagurfræðilegu, siðferðilegu og samfélagslegu hlutverki frumkvöðla
getað fjallað um nýsköpun/hönnun og sköpun/túlkun út frá menningarlegu og listasögulegu samhengi
vera fær um að greina og meta eigin verk og annarra af þekkingu og víðsýni
gera sér grein fyrir samfélagslegri ábyrgð nýsköpunar og frumkvöðla