Grunnþjálfun í alpaferðum sem fer fram í fjölbreyttu fjallalandslagi. Farið verður yfir helstu atriði alpaferða svo sem leiðarval, gerð leiðarkorta, rötun, snjóflóð, sprungubjörgun, uppsetningu á línu til göngu, gerð neyðarskýla, fjarskipti og hópstjórn.
AIMJ2GR03
Nemandi skal hafa öðlast þekkingu og skilning á:
skipulagi og búnaði fjalla- og tjaldferða að vetrarlagi
kortalestri, áttavita, GPS, rötun og leiðarvali í fjalllendi á jökulhettum
gerð leiðarkorta
aðhlynningu í lengri ferðum
jökulhettum og ferðalögum á þeim
nauðsynlegum öryggisbúnaði í snæviþöktu umhverfi og jökulhettum
sprungubjörgun á jökulhettum og uppsetningu línu til göngu
gerð neyðarskýla
fjarskiptum
mikilvægi þess að ganga vel um landið
mismunandi aðstæðum í óbyggðum og fjalllendi og viðbrögðum við þeim
mikilvægi hópstjórnunar
hagnýtri veðurfræði og náttúrufræði
grunnhugtökum snjóflóðafræða og búnaði
Nemandi skal hafa öðlast leikni í að:
rata með hjálp áttavita og GPS
meta aðstæður í íslenskri náttúru og veðurútlit að vetri til
huga vel að sjálfum sér og öðrum í lengri vetrarferðum
finna tengiliði við skipulag og undirbúning ferða
skipuleggja alpaferðir og nota viðeigandi búnað sem þarf í slíkar ferðir
leiðarval í fjalllendi að vetri til, meta áhættu og stýra þeirri hættu
nota hina heilögu snjóflóðaþrenningu
meta snjóflóðaaðstæður byggðar á upplýsingasöfnun
framkvæma sprungubjörgun á jökulhettum
gera neyðarskýli og búa til skjól
Nemandi skal geta hagnýtt þá almennu þekkingu og leikni sem hann hefur aflað sér til að:
rata af öryggi með hjálp áttavita og GPS í vetrarferðum
geta tekið ákvarðanir miðað við eigið líkamsástand, staðhætti og aðstæður
geta valið og farið í vetrarferðir við hæfi og nýtt þann búnað sem þarf
útbúa raunhæfa ferðaáætlun fyrir vetrarferðir
taka ákvarðanir í samráði við hóp ferðafélaga
hagnýta sér það sem sjá má af veðurútliti
ferðast af öryggi á jökulhettum og í snæviþöktu umhverfi að vetri til
meta snjóflóðaaðstæður, taka viðeigandi ákvarðanir og nota snjóflóðabúnað ef þarf
miðla fróðleik um náttúru landsins sem fyrir augu ber á ferðalagi
leggja mat á hættur og stýra mögulegum áhættuþáttum
framkvæma sprungubjörgun af öryggi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.