Námið er vettvangsnám þar sem farið er í ferðir úti í náttúrunni þar sem tekist er á við raunaðstæður. Áherslan í áfanganum er tvíþætt. Annars vegar er áhersla á nemandann sjálfan, hans þekkingu, leikni og hæfni. Hins vegar er áhersla á meðhöndlun sérhæfðs búnaðar í klettaklifri.
Kenndir eru undirstöðuþættir tengdir fjallamennsku og klettaklifri hvort heldur sem er að sumri eða vetri. Megináherslan er á að dýpka skilning nemenda á almennri fjallamennsku og klettaklifri og gera hann færan í að ferðast á eigin vegum um brattlendi og í klettum af öryggi og kunnáttu. Farið er yfir undirbúning og skipulag klettaklifursferða. Klifur, sig og línuvinna eru æfð til að kynnast notkun og meðferð sérhæfðs klettaklifursbúnaðar.
Nemandi skal hafa öðlast þekkingu og skilning á:
nauðsynlegum öryggisbúnaði í klettaklifri
eigin styrkleikum og takmörkunum
notkun sérhæfðs búnaðar í klettaklifri
mikilvægi þess að ganga vel um landið
klettaklifri, einnar spannar og grjótglímu ásamt mismunandi aðferðum sem þar er beitt
túlkun veðurspáa og hagnýtri veðurfræði og náttúrufræði
Nemandi skal hafa öðlast leikni í að:
greina helstu þætti við skipulag og undirbúning ferða
nota algengasta búnaðinn og helstu hnúta við sig og klifur
velja klifurleið við hæfi og meta hvaða búnað þarf
klifra léttar klettaklifurleiðir
meta eigin styrkleika og takmarkanir
finna heppilega samstarfsaðila og tengiliði við skipulag og undirbúning ferða
skipuleggja fjallaferðir og nota búnað sem þarf í slíkar ferðir
Nemandi skal geta hagnýtt þá almennu þekkingu og leikni sem hann hefur aflað sér til að:
geta tekið ákvarðanir miðað við eigið líkamsástand, staðhætti og aðstæður
velja og nota viðeigandi búnað á hverjum stað
taka ákvarðanir í samráði við hóp ferðafélaga
geta stundað klettaklifur af öryggi
velja verkefni við hæfi
meta aðstæður á raunhæfan hátt
hagnýta sér búnað sem þarf til að ferðast í brattlendi
geta stundað fjölbreytta útivist á öruggan hátt og skipulagt mismunandi ferðir
leggja mat á hættur og stýra mögulegum áhættuþáttum
bera virðingu fyrir náttúru og umhverfi
Símat með áherslu á leiðsagnarmat sem byggir á vinnu nemenda. Ferilbók í tengslum við verk- og vinnustaðanám þar sem við á.