Tilgangur námsþáttarins er að efla sjálfstraust námsmanna og auka færni þeirra í árangursríkum og heiðarlegum samskiptum. Með áherslu á valdeflingu og muninn á styðjandi og stýrandi miðlun. Námsmenn geri sér grein fyrir mikilvægi siðfræðilegra gilda, trúnaðar og persónuverndar. Taki ábyrgð á eigin viðhorfum og fordómum og öðlist hæfni til að aðlagast mismunandi þörfum og kröfum samfélagsins. Læra að greina þarfir með hliðsjón af velferðarlausnum, hafa innsýn í breytingar og þróun svo hægt sé að endurmeta stöðu einstaklinga hverju sinni ásamt því hvernig hægt er að tileinka sér ný vinnubrögð eða breyta þeim.
námsmaður skal hafa öðlast þekkingu og skilning á:
Helstu áhrifaþáttum í mannlegum samskiptum
Mikilvægi notendastýrðar og einstaklingsbundinnar nálgunar
Aðferðum sem stuðla að árangursríkum samskiptum
Innleiðingu breytinga og breytingarstjórnun
Eigin styrkleikum og veikleikum
Grundvallarreglum um persónuvernd og trúnað
Reglum um meðferð persónuupplýsinga
Almennum siðareglum og gildum í velferðarþjónustu
Undirstöðuatriðum tjáskipta og hvernig hægt er að forðast misskilning
Fjölbreytileika mannlífs og eigin fordómum
námsmaður skal hafa öðlast leikni í að:
Fylgja reglum um meðferð persónuupplýsinga
Greina á milli trúnaðarupplýsinga og annarra upplýsinga
Tjá sig heiðarlega, með virðingu og nærgætni
Bregðast við málum af ábyrgð og sjálfsöryggi
Hlusta á fordómalausan hátt
Að „aflæra“ gamla vana og tileinka sér ný vinnubrögð
námsmaður skal geta hagnýtt þá almennu þekkingu og leikni sem hann hefur aflað sér til að:
Greina á milli hvaða upplýsingar er viðeigandi að veita og hverjar ekki
Vera sjálfum sér samkvæmur, sýna frumkvæði og eiga opin og heiðarleg samskipti við aðra
Vinna með öðrum og deila gagnlegum upplýsingum
Virða skoðanir annarra og taka tillit til þeirra í eigin tjáskiptum
Sýna umburðarlyndi
Aðlaga framkomu sína að ólíkum einstaklingum og hópum við mismunandi aðstæður
Taka mið af siðferðilegum gildum eins og sjálfsákvörðunarrétt notanda s.s. upplýstu samþykki, gagnsæi og gagnsemi við val á velferðartæknilausnum