Áfanganum er skipt í þrjá námsþætti: menningarstoð, samfélagstoð og atvinnu- og fjármálastoð. Nemendur afla sér þekkingar, leikni og hæfni í viðfangsefnum hvers þáttar. Í skipulagi námsins er gert ráð fyrir að þrír kennarar sem hafa sérhæft sig í efni og kennslu hvers þáttar færi sig á milli námshópa með sitt námsefni.
Viðfangsefni menningarstoðar eru félagsmótun, fjölskyldan, jafnrétti og fjölmenning. Viðfangsefni samfélagsstoðar eru lýðræði, menntun, stjórnmál og trúarbrögð. Viðfangsefni atvinnu- og fjármálastoðar eru atvinnumál, fjármál og rekstrarkostnaður bíls og heimilis.
Meginmarkmið námsins er að nemendur tileinki sér þekkingu, leikni og hæfni í viðfangsefnum sem almennt er talið að séu mikilvæg fyrir þá sem einstaklinga í nútíð og framtíð.
Engar
Nemandi skal hafa öðlast þekkingu og skilning á:
hugtökunum lýðræði, mannréttindi, menntun, stjórnmál og trúarbrögð.
sögulegum bakgrunni velferðar okkar og íslenskum vinnumarkaði, t.d. iðnbyltingunni, kjarasamningnum, atvinnuleysi, störfum, réttindum og skyldum atvinnurekenda og launafólks.
hugtökum um fjármál og fjármálalæsi.
rekstri heimilis og skattkerfinu.
ýmsum heimasíðum sem tengjast viðfangsefnum áfangans.
námstækni sem dýpkar skilning á viðfangsefnum áfangans, m.a. hugkortagerð.
fjölskyldugerðum, helstu hlutverkum fjölskyldunnar, réttindum og skyldum.
hugtökunum jafnrétti, kynhlutverk, staðalímynd, mannsal og kynþáttafordómar.
kynjamyndum í myndböndum og auglýsingum.
Nemandi skal hafa öðlast leikni í að:
leita sér upplýsinga um þekkingaratriði áfangans.
ræða viðfangsefni áfangans.
vinna úr þekkingu sinni á fjölbreytilegan og skapandi hátt.
Nemandi skal geta hagnýtt þá almennu þekkingu og leikni sem hann hefur aflað sér til að:
taka þátt í umræðum um viðfangsefni áfangans sem metið er með virkni nemandans.
miðla færni sinni við mismundandi aðstæður, sem metið er með einstaklings og hópverkefnum.
yfirfæra reynslu sína af vinnu áfangans á daglegt líf. Metið með umræðum, einstaklings- og hópverkefnum.
Námsmatið byggir m.a. á vinnu og skilum nemenda á skriflegum prófum og eftirfarandi einstaklings- og hópverkefnum:
•staðalímyndir, fjölskyldugerðir og hlutverk fjölskyldunnar.
•lýðræði, mannréttindi,menntun, stjórnmál og trúarbrögð.
•iðnbyltingin og áhrif hennar á líf og umhverfi.
•hugkortasmíði.
•stéttarfélög og kjaramál.
•fjármál og fjármálalæsi.
•þróun íslensks vinnumarkaðar- frá bændasamfélagi til iðnvædds samfélags.
Námsmatið byggir á að nemendur taki virkan þátt í þeim umræðum sem fara fram.