Í áfanganum er lögð áhersla á listræna kvikmyndatöku. Nemendur rýna í sýnidæmi um mismunandi gerðir af framúrskarandi kvikmyndaefni. Nemendur rýna í beitingu myndavélarinnar til að kalla fram mismunandi tilfinningar og viðhorf áhorfandans og hvernig kvikmyndataka frá ólíkum sjónarhornum og við breytilegar aðstæður getur myndað listræna heild. Nemendur kvikmynda eigið efni í samræmi við handrit og tökuáætlun sem síðan verður nýtt við framleiðslu metnaðarfulls lokaverkefnis. Verkið skilast sem fullfrágengið myndverk. Samhliða verður farið dýpra í vinnubrögð við upptöku fréttaefnis fyrir sjónvarp.
KVMG2FK05
Nemandi skal hafa öðlast þekkingu og skilning á:
helstu hugtökum og orðaforða sem notuð eru til að lýsa myndmáli og myndrænni uppbyggingu kvikmynda
helstu lögmálum og venjum við mismunandi beitingu ljóss og lita við upptökur á kvikmyndaefni
helstu lögmál og venjum um val kvikmyndatökumanns á sjónarhornum, staðsetningu í ramma, hreyfingu innan ramma og hreyfingu kvikmyndatökuvélarinnar
helstu stoð- og hjálpartækjum til að auðvelda fjölbreytta beitingu kvikmyndatökuvélarinnar
beita mismunandi tækni við upptöku kvikmyndaefnis með það fyrir augum að hið upptekna efni myndi listræna heild
mikilvægi vandaðrar faglegrar hljóðupptöku á tökustað
Nemandi skal hafa öðlast leikni í að:
setja fram á skýran og greinargóðan hátt hvernig beita skuli tökuvél til þess að ná fram myndrænni uppbyggingu, sjónarhornum og blæbrigðum sem sóst er eftir
vinna á faglegan hátt með leikstjóra og lykilstarfsmönnum að gerð nákvæmrar tökuáætlunar á tökustað kvikmyndar
vinna faglega áætlun fyrir lykilstarfsfólk á tökustað þar sem fram komi staðsetningar leikmyndar, lýsing, sjónarhorn og annað er varðar kvikmyndatökuna
velja kvikmyndatökuvélar er henta á tökustað hverju sinni
gera nákvæma áætlun yfir stoð- og hjálpartæki fyrir kvikmyndatökuvél á tökustað
gera áætlun um búnað og tæki til hljóðupptöku á tökustað
skrásetja, afrita og grófflokka stafrænt kvikmyndatökuefni að kvikmyndatöku lokinni
Nemandi skal geta hagnýtt þá almennu þekkingu og leikni sem hann hefur aflað sér til að:
vinna sem aðstoðarstarfskraftur að gerð metnaðarfullar tökuáætlana fyrir listræna kvikmyndatöku
vinna sem aðstoðarstarfskraftur við val á kvikmyndatökuvélum er henta á tökustað hverju sinni
aðstoða kvikmyndatökustjóra við gerð áætlunar um stoð- og hjálpartæki fyrir kvikmyndatökuvél á tökustað
aðstoða við undirbúning og framkvæmd hljóðupptöku á tökustað
færa upptekið stafrænt efni af kvikmyndatökuvél inní stafræna gagnageymslu til flokkunar og afritunar