Að nemendur geti tekið fyrri þekkingu á hinum ýmsu efnum og tengt þau saman í eitt stykki. Hér eiga nemendur að vinna að verkefni sem býr yfir ólíkum efnum og tengja þau saman í eina heild. Hér reynir á sköpunarhæfni nemandans, frumkvæði og sjálfstæða hugsun.
Leður- og roðsmiðja, Málmsmiðja, Plastsmiðja, Trésmiðja, Fab Lab Smiðja 1. og 2. þrep.
Nemandi skal hafa öðlast þekkingu og skilning á:
Hvernig hægt er að nýta hin ýmsu efni í tengingu við önnur ólík efni
Kostum og göllum hinna ýmsu efnistegunda
Getu og takmörkum mismunandi tækjabúnaðar með tilliti til efnisvals
Aðferðum sem hafa að markmiði að bæta nýtingu hráefna, sem og förgun úrgangs
Nemandi skal hafa öðlast leikni í að:
Greina kosti og galla mismunandi samsetningaraðferða
Geta skipulagt og framkvæmt eigin hugmynd
Bera ábyrgð á efnisvali og annast birgðahald þeirra efna sem nota skal við framkvæmdina
Velja viðeigandi verkfæri og tækjabúnað með tilliti til framkvæmdarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
Geta komið hugmynd sinni á það form að mögulegt sé að framleiða hana, teikningar, efnisval og annað sem hefur áhrif sé sett upp á skipulegan og aðgengilegan máta
Greina orsakir galla sem fram koma í framkvæmd og mæla fyrir um aðgerðir til úrbóta
Geta greint hvort tilskyldum reglum sé fylgt eftir varðandi öryggismál
Skrifleg skýrsla og verkefnaskil.
Einnig verður tekið til mats:
• Frumkvæði, frumleg hönnun
• Vinnusemi
• Frágangur, umgangur um vélar og verkstæði sem og tillitsemi við kennara og aðra nemendur
• Vandvirkni og handbragð nemandans við vinnu sína