Að nemendur búi yfir færni og þekkingu til þess að geta unnið með eitthvað af eftirtöldum efnum sem þekkjast innan hönnunar, meðal annars; leir, gler, ull, gull, silfur og ýmis önnur efni sem koma til sögu hönnunar. Þekkja helstu galla og kosti þess við hönnun í hinum ýmsu viðfangsefnum. Geta notfært sér það við útfærslur í vinnu þeirra í áfanganum sem og í framtíðinni, þar á meðal tengingu við önnur efni.
Hönnun 1, verkleg smiðja
Nemandi skal hafa öðlast þekkingu og skilning á:
Hvenær efnið er helst notað og í hvaða tilgangi
Kostum og göllum efnistegundarinnar
Þekkingu á algengum samsetningum
Getu og takmörkum mismunandi tækjabúnaðar með tilliti til efnisvals
Aðferðum sem hafa að markmiði að bæta nýtingu hráefna, sem og förgun sorps
Nemandi skal hafa öðlast leikni í að:
Greina kosti og galla efnisins
Geta skipulagt og framkvæmt eigin hugmynd
Bera ábyrgð á efnisvali og annast birgðahald þeirra efna sem nota skal við framkvæmdina
Velja viðeigandi verkfæri og tækjabúnað með tilliti til framkvæmdarinnar
Nemandi skal geta hagnýtt þá almennu þekkingu og leikni sem hann hefur aflað sér til að:
Geta komið hugmynd sinni á framfæri með því að búa til hin ýmsu líkön úr mismunandi efnum
Greina orsakir galla sem fram koma í framkvæmd og mæla fyrir um aðgerðir til endurbóta
Geta notfært sér nær umhverfi sitt til efnisvals í verkefni sín
Skrifleg skýrsla um hvert verkefni og verkefnaskil.
Einnig verður tekið til mats:
• Frumkvæði, frumleg hönnun
• Vinnusemi
• Frágangur, umgangur um vélar og verkstæði sem og tillitsemi við kennara og aðra nemendur
• Vandvirkni og handbragð nemandans við vinnu sína