Í áfanganum velta nemendur fyrir sér menningarheimi barna og unglinga. Fjallað er um upphaf og sögu barnabókmennta, aðallega á Íslandi. Skoðað er hvað einkennir góðar barnabækur og fjallað um gildi þess að börn lesi og lesið sé fyrir þau. Nemendur greina myndasögur, bækur fyrir börn á aldrinum 6-12 ára og unglingabækur. Einnig verður fjallað um ævintýri, fantasíur og sjónvarpsefni fyrir börn. Stefnt er að því að sjá eina barnaleiksýningu meðan á áfanganum stendur. Nemendur vinna margvísleg verkefni í tengslum við efni áfangans. Áfanginn er símatsáfangi.
ÍSLE2MN05
Nemandi skal hafa öðlast þekkingu og skilning á:
þróunarsögu íslenskra barna- og unglingabóka
uppbyggingu myndasagna
sögum sem ætlaðar eru mismunandi aldurshópum
mikilvægi þess að börn lesi og að lesið sé fyrir þau
mismunandi tegundum barnabókmennta
því hvers konar afþreying er í boði fyrir börn
Nemandi skal hafa öðlast leikni í að:
fjalla af skilningi og þekkingu um barna- og unglingabækur
átta sig á hvað einkennir góðar barna- og unglingabækur
fjalla af skilningi og þekkingu um hvers konar afþreyingu sem ætluð er börnum
nýta sér fræðileg vinnubrögð við úrvinnslu efnis
Nemandi skal geta hagnýtt þá almennu þekkingu og leikni sem hann hefur aflað sér til að:
velja á gagnrýninn hátt lesefni handa börnum og unglingum