Í þessum valáfanga í ensku er leitast við að kanna menningarstrauma í Bandaríkjunum og Bretlandi á árunum 1950-1970, þ.e. á eftirstríðsárunum og hippatímabilinu, með hliðsjón af nýrri heimsmynd þess tíma og byltingarkenndum samfélagsbreytingum. Nemendur lesa margvíslega texta um tímabilið, ræða viðfangsefnin, sjá heimildamyndir og kvikmyndir frá þessum tíma, hlusta á tónlist og skoða áhrif lagatexta, lesa sögur og ljóð tengd tímabilinu, skrifa kvikmyndarýni og flytja munnlegar kynningar tengdar efninu, bæði sjálfstætt og í hópum. Áhersla er lögð á gagnrýna hugsun og tjáningu, jafnt í ræðu sem í riti.
Engar
Nemandi skal hafa öðlast þekkingu og skilning á:
helstu menningarstraumum í Bandaríkjunum og á Bretlandi á árunum 1950-1970, þ.e. eftirstríðsárunum og hippatímanum
nýrri heimsmynd þessara tíma og byltingarkenndum samfélagsbreytingum
gagnrýninni hugsun og baráttu fyrir friði og tjáningarfrelsi
þróun tónlistar á þessu tímabili og hlutverki hennar í samfélagsrýni
kvikmyndagerð á sjötta og sjöunda áratugnum með hliðsjón af samfélagshefðum og ritskoðun
speglun samtímans á þessum áratugum í ljóðagerð og skáldsagnaritun
Nemandi skal hafa öðlast leikni í að:
lesa fjölbreyttar gerðir texta, bæði til fróðleiks og ánægju
greina ádeilu og gagnrýni í list s.s. ljóðum, bókmenntum, kvikmyndum og tónlistartextum
gera sér mynd af samfélagsgerð og –breytingum fyrri tíma með rýni í ofangreind listform og myndrænar heimildir
tjá sig munnlega skýrt og hnökralaust um málefni sem hann hefur kynnt sér bæði formlega og óformlega
tjá sig skriflega bæði formlega og óformlega
Nemandi skal geta hagnýtt þá almennu þekkingu og leikni sem hann hefur aflað sér til að:
öðlast gleggri mynd af afar áhugaverðu tímabili í menningarsögu Bandaríkjanna og Bretlands
gera sér grein fyrir hvernig samfélagsbreytingar verða til, orsökum þeirra, framvindu og afleiðingum
tengja saman listsköpun og samtímahræringar og þátt hvors um sig í hinu
taka þátt í skoðanaskiptum, færa rök fyrir máli sínu og svara mótbárum og gagnrökum á viðeigandi hátt
tjá sig skýrt, lipurlega og blaðalaust fyrir áheyrendum um sérvalið efni sem hann hefur kynnt sér
skrifa formlegan og óformlegan texta og beita rithefðum sem við eiga í textasmíð.