Gagnasöfn, flokkun og einkennishugtök um þau. Tíðni og tíðnidreifing, myndrit. Dreifing og stærðir sem einkenna dreifingu gagnasafna. Helstu hugtök varðandi talningu, líkindi og líkindadreifingu.
A.m.k. einn stærðfræðiáfangi á 2. þrepi
Nemandi skal hafa öðlast þekkingu og skilning á:
helstu talningarreglum, algengum líkindareikningi og líkindadreifingum, s.s. tvíkostadreifingu, normaldreifingu
grundvallaratriðum tölfræði, s.s. meðaltölum, fylgni, dreifingum og frávikum
Nemandi skal hafa öðlast leikni í að:
nota mengi og Vennmyndir til að leysa verkefni
meðhöndla tölur og talnamengi
nota reikniforrit við tölfræðilega útreikninga
Nemandi skal geta hagnýtt þá almennu þekkingu og leikni sem hann hefur aflað sér til að:
skrá lausnir sínar skipulega, skiptast á skoðunum við aðra um þær og útskýra hugmyndir sínar og verk skilmerkilega á viðeigandi hátt
átta sig á tengslum ólíkra aðferða við framsetningu stærðfræðilegra hugmynda og viðfangsefna
skilja merkingu og tengsl hugtaka í námsefninu og vinna með þau
geta fylgt og skilið röksemdir og röksamhengi í mæltu máli og texta
beita skipulegum aðferðum við að leysa úr viðfangsefnum og þrautum, s. s. út frá þekkingu á lausnum svipaðra þrauta, unnið til baka frá þekktum stærðum eða með því að setja upp jöfnur
leggja mat á hvort niðurstöður reikninga og athugana séu í samræmi við viðfangsefnið