Valdir þættir úr sögu, einkum mannkynssögu, 19. – 21. aldar
SAGA2MN05
1
saga
19. – 21. aldar, einkum mannskynssögu, valdir þættir úr sögu
Samþykkt af skóla
2
5
Áfanginn byggir að talsverðu leyti á sjálfstæðum vinnubrögðum nemenda, heimildaleit, verkefnavinnu, úrvinnslu og framsetningu efnis. Teknir eru fyrir valdir atburðir úr sögu 19. - 21. aldar. Til grundvallar liggja 8 efnisflokkar og miðað er við að kennari velji a.m.k. 6 efnisflokka til umfjöllunar. Þeir eru: lýðræðisþróun á 19. og 20. öld, þjóðríki og þjóðernisstefna, heimsvaldastefna og nýlendustefna, fyrri heimsstyrjöld og millistríðsárin, síðari heimsstyrjöld og Helförin,
Kalda stríðið, Ísrael, Palestína og Mið-Austurlönd, heimurinn á 21. öld.
SAGA1MU05
Nemandi skal hafa öðlast þekkingu og skilning á:
völdum þáttum úr sögu 19. - 21. aldar
helstu hugtökum sem höfð eru um söguleg fyrirbæri og skal gera sér grein fyrir afstæði þeirra og takmörkunum
mismunandi tegundum heimilda, aðferðum við heimildaleit og grunnþekkingu í heimildarýni
ólíkum miðlunarformum
ýmsum sviðum og þátttakendum sögunnar, menningu og hugarfari, hversdagslífi og stjórnmálum, einstaklingi og samfélagi, tækni og vísindum
Nemandi skal hafa öðlast leikni í að:
lesa sagnfræðilega texta á íslensku og ensku og túlka merkingu þeirra
meta gildi og áreiðanleika heimilda og nýta sér fjölbreyttar tegundir þeirra
sjá tengsl fortíðar og nútíðar og samhengið milli tímabila, svæða og sviða
nota ólík miðlunarform til að miðla sögulegu efni, t.d. skrifa blaðagrein, ritgerð, búa til veggspjald, útvarpsþátt o.s.frv.
bera saman tímabil, svæði og svið
beita gagnrýninni hugsun
Nemandi skal geta hagnýtt þá almennu þekkingu og leikni sem hann hefur aflað sér til að:
meta gildi menningararfsins hvort sem hann snýr að heimabyggð eða heiminum öllum
koma söguþekkingu sinni og söguskilningi á framfæri með fjölbreyttum hætti
leggja mat á eigin frammistöðu og annarra í verkefnavinnu
geta tekið þátt í skoðanaskiptum og rökræðum með jafningjum um sagnfræðileg efni
sýna umburðarlyndi og víðsýni gagnvart sögulegum viðfangsefnum