Í áfanganum fá nemendur dýpri innsýn í grundvallaratriði líkams- og heilsuræktar, samhliða aukinni þekkingu á iðkun æfinga. Áhersla er lögð á samhæfingu, tækni og líkamsbeitingu. Nemendur taka þátt í slökunaræfingum og umræðu um mikilvægi slökunar í nútímasamfélagi. Fjallað er um mataræði og hvað felst í hollri og góðri næringu og hver næringarþörf er með tilliti til vinnu og daglegrar hreyfingar. Einnig er rætt um neikvæð áhrif áfengis-, tóbaks- og lyfjaneyslu á líkama og heilsu. Nemendur fá verklega þjálfun sem er tengd bóklegri kennslu og skriflegum verkefnum. Verkefnavinna snýr að undirbúningi og skipulagi eigin þjálfunar ásamt árangursmati Nemendur geta valið um eftirfarandi leiðir: 1) Hefðbundin líkams- og heilsurækt (kennsla í íþróttahúsi Miðbæjarskólans og nágrenni). 2) Skipulögð íþróttaiðkun innan íþróttafélags (stunda íþróttagrein innan sérsambanda ÍSÍ, keppni á Íslandsmóti og æfa undir leiðsögn íþróttafræðings) 3) Útivist í nánasta umhverfi: i) Gengið um Reykjavík og nágrenni höfuðborgarsvæðisins, nemendur þurfa að mæta á brottfarastað og sjá um kostnað af ferðum og búnaði.
ÍÞRÓ2LC01
Nemandi skal hafa öðlast þekkingu og skilning á:
mikilvægi samhæfingar og tækni
mikilvægi slökunar
góðri líkamsbeitingu og -stöðu
helstu flokkum næringarefna og viðeigandi orkuneyslu
fjölbreyttum leiðum til að nýta líkams- og heilsurækt í daglegu lífi
möguleikum í umhverfi og náttúru til líkams- og heilsuræktar
neikvæðum áhrifum áfengis-, tóbaks- og lyfjaneyslu á líkamann og heilsu
Nemandi skal hafa öðlast leikni í að:
stunda líkams- og heilsurækt
þjálfa samhæfingu og tækni á markvissan og fjölbreyttan hátt
stuðla að tillitssemi og hvatningu
nota fjölbreyttar aðferðir til að mæla líkamsástand (þol, styrk, liðleika og púls)
stuðla að bættri líkamsbeitingu og -stöðu með æfingum og hreyfingu
Nemandi skal geta hagnýtt þá almennu þekkingu og leikni sem hann hefur aflað sér til að:
leysa af hendi verkefni sem snúa að skipulagi eigin þjálfunar
mæla og meta eiginn styrkleika í líkams- og heilsurækt
taka þátt í umræðu um ávana- og fíkniefni
takast á við áskoranir daglegs lífs varðandi mataræði og lifnaðarhætti