Viðfangsefni áfangans er það svið fjölmiðlafræðinnar sem kallað hefur verið myndveruleikinn, þ.e. sú myndræna bylting sem átt hefur sér stað í ólíkum fjölmiðlum. Raunveruleikinn í dag er mjög myndrænn, hvort sem átt er við blöð, bækur, sjónvarp, tölvuleiki, kvikmyndir eða netið almennt. Grunnur áfangans er myndin og myndmálið. Nemendur kynnast sögu myndvæðingar frá textagerð til myndvæðingar, kynnast eðli ólíkra myndmiðla, allt frá málverkum til ljósmynda (tísku-, frétta- og auglýsingaljósmyndir) og hreyfimyndum (kvikmyndir, sjónvarp, auglýsingar, netið). Nemendur vinna með ólíka þætti myndmálsins og leggja mat á ólíkan áhrifamátt myndmálsins.
FJÖL2FF05
Nemandi skal hafa öðlast þekkingu og skilning á:
undirstöðum fjölmiðlafræðinnar, sérstaklega þeirri byltingu sem myndvæðingin er
sögu myndvæðingar frá hellalist til nútímans
myndinni sem slíkri, uppbyggingu myndarinnar t.d. í ljósmynd eða málverki
helstu áhrifaþáttum myndmálsins, þ.e. hvernig það virkar á áhorfendur
einum þætti myndmálsins sérstaklega, s.s. auglýsingum, málverkum eða kvikmyndum
Nemandi skal hafa öðlast leikni í að:
vinna með helstu grunnhugtök myndgreiningar
þekkja helstu myndmiðlana
afla upplýsinga um a.m.k. eitt svið myndmiðla og greina það vandlega
geta sett fram helstu niðurstöður á skiljanlegan og markvissan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
vinna úr einstökum dæmum og leggja sjálfstætt mat á þau
sýna sjálfstæði, t.d. hafa frumkvæði að því að velja sér verkefni og vinna að þeim á ábyrgan hátt
álykta um gæði og galla þeirra heimilda sem unnið er með
leggja siðferðilegt mat á þau áhrif sem myndvæðingin felur í sér