Í áfanganum skipuleggja nemendur og halda svokallað Lifandi bókasafn þar sem gestir bókasafns geta hlustað á og spurt einstaklinga sem eru reiðubúnir til að deila reynslu sinni og þekkingu. Nemendur velja yfirskrift og þema safnsins og sjá um að finna bækur, skipuleggja bókasafnið og sjá um frágang að atburði loknum. Ekki er um eiginlegar kennslustundir að ræða. Reglulega eru haldnir fundir með kennurum til að ræða framvindu og framkvæmdaáætlun verkefnisins auk þess sem nemendur skila skýrslum til kennara.
Grunnáfangi í félagsvísindum
Nemandi skal hafa öðlast þekkingu og skilning á:
hvað felst í lifandi bókasafni
hvernig hægt er að nýta lifandi bókasafn til að auka skilning og víðsýni
sögu lifandi bókasafna hérlendis og erlendis
skipulagi viðburða
Nemandi skal hafa öðlast leikni í að:
afla upplýsinga um „bækur“ og halda utan um þau gögn
undirbúa og framkvæma lifandi bókasafn
kynna lifandi bókasafn munnlega og skriflega fyrir mismunandi hópum
leita lausna í samvinnu við aðra
meta eigin frammistöðu og annarra á gagnrýninn hátt
Nemandi skal geta hagnýtt þá almennu þekkingu og leikni sem hann hefur aflað sér til að:
afla upplýsinga og hagnýta sér
sjá hvernig hægt er að auka víðsýni með því að leiða saman ólíka hópa