Farið er nánar í normaldreifinguna og einnig aðrar dreifingar s.s. kí-kvaðratdreifingu, og unnið með tilgátuprófanir. Nemendur vinna eigin rannsókn þar sem þeir hanna spurningalista, leggja hann fyrir valið úrtak og vinna tölfræðilega úr niðurstöðunum.
STÆR3TL05
Nemandi skal hafa öðlast þekkingu og skilning á:
algengustu dreifingum í tölfræði
hvernig nota má tölfræðipróf til að ákveða hvort hafna eigi eða samþykkja tilgátu
hvernig á að hanna, leggja fyrir og vinna úr tölfræðilegri rannsókn
Nemandi skal hafa öðlast leikni í að:
setja tölulegar upplýsingar fram á skýran og skilmerkilegan hátt
framkvæma tilgátupróf
beita hjálpartækjum og forritum við lausn verkefna
Nemandi skal geta hagnýtt þá almennu þekkingu og leikni sem hann hefur aflað sér til að:
draga tölfræðilegar ályktanir út frá tölulegum gögnum
greina og hagnýta stærðfræðilegar upplýsingar í rituðu máli, myndrænt og í töflum
kynna og útskýra rannsóknarniðurstöður fyrir öðrum á fjölbreyttan hátt
geta skráð lausnir sínar skýrt og á gagnrýninn hátt, skipst á skoðunum við aðra um þær og útskýrt á viðeigandi hátt
átta sig á tengslum ólíkra aðferða við framsetningu hugmynda og velja aðferð við hæfi
hagnýtt sér stærðfræðilega þekkingu sína til ákvarðanatöku í sérhæfðum verkefnum