Efnisþættir sem teknir verða fyrir í áfanganum eru: nafnakerfi lífrænna efna, lögun sameinda og tengi, lífræn efnafræði, efnahvörf og fleiri tengd atriði, lífefnafræði, hendni sameinda, prótein, sykrur, lípíð, kjarnsýrur og ítarefni tengt efni áfangans.
EFNA2EH05. Hægt er að taka áfangann samhliða EFNA3JL05 og EFNA3RA03
Nemandi skal hafa öðlast þekkingu og skilning á:
lögun sameinda
skautun sameinda
svigrúmablöndunum
fjöltengjum
hendni sameinda
grunnflokkun lífrænna efna
efnahvörfum lífrænna efna
efnaflokkunum: prótein, sykrur, lípíð og kjarnsýrur
ítarefni sem nemendur fjalla sérstaklega um í hópum og miðla áfram
Nemandi skal hafa öðlast leikni í að:
finna lögun sameinda og hvort þær eru skautaðar eða ekki
finna svigrúmablöndun atóma og túlka
þekkja uppbyggingu og eiginleika fjöltengja
finna hendnimiðjur í sameindum og vinna með hugtakið hendni
nota flokkun og nafnakerfi lífrænna efna
skrifa og túlka efnahvörf lífrænna efna
teikna upp og skilja uppbyggingu lífefna í flokkunum: prótein, sykrur, lípíð og kjarnsýrur
afla sér upplýsinga um afmarkaða efnisþætti og vinna úr þeim
miðla upplýsingum til samnemenda
sýna sjálfstæði við framkvæmd verklegra æfinga og skilning við úrvinnslu
Nemandi skal geta hagnýtt þá almennu þekkingu og leikni sem hann hefur aflað sér til að:
sjá tengsl milli náttúrufræðigreina og geta yfirfært þekkingu milli þeirra
sýna sjálfstæði í vinnubrögðum og bera ábyrgð á eigin námsframvindu
nýta sér fræðilegan texta og gögn á markvissan hátt
miðla þekkingu sinni til annarra
meta eigin frammistöðu og annarra á gagnrýninn hátt
leggja mat á áreiðanleika niðurstaðna rannsókna sinna og annarra
taka ákvarðanir, mynda sér skoðanir og taka þátt í umræðum sem byggja á þekkingu í efnafræði
tengja efnafræðina við daglegt líf og umhverfi og sjá notagildi hennar
takast á við frekara nám í efnafræði og tengdum greinum á háskólastigi