Sérstök áhersla er lögð á ritun og mismunandi stílbrigði ritmáls. Áhersla er lögð á að nemendur öðlist aukinn orðaforða með lestri blaðagreina um málefni líðandi stundar svo og texta af vísindalegu tagi. Lesin eru lengri og meira krefjandi bókmenntaverk en í ENSK2ES05. Hæfni nemenda til þess að tjá sig með flóknari orðaforða þjálfuð. Auk þess vinna nemendur með þýðingar.
ENSK2ES05
Nemandi skal hafa öðlast þekkingu og skilning á:
viðeigandi reglum við ritun flókinna texta
fjölbreyttum orðaforða (miðað við Academic Word List og Word Frequency Lists).
flóknum raun- og bókmenntatextum
Nemandi skal hafa öðlast leikni í að:
skilja texta af vísindalegu tagi.
greina flókna rauntexta og bókmenntaverk.
skipuleggja texta með inngangi, meginmáli og lokaorðum.
tjá sig á skipulegan, rökrænan og samfelldan hátt í rituðu og töluðu máli.
Nemandi skal geta hagnýtt þá almennu þekkingu og leikni sem hann hefur aflað sér til að:
lesa langa og flókna texta og bókmenntaverk og greina stílbrigði.
skrifa ritgerðir og stuttar greinar á skipulegan hátt.
setja fram skoðanir sínar og ræða fjölbreytileg málefni á skipulegan hátt.
færa rök fyrir máli sínu í ræðu og riti.
Áfanginn er símatsáfangi. Mat felst m.a. í kappræðum, leikhúsgagnrýni, samræðum, þýðingum, ritunarverkefnum og orðaforðaverkefnum.