Í áfanganum er lögð áhersla á að orðaforði og lesskilningur nemenda verði aukinn og hlustun og tal þjálfað svo að þeir geti tjáð sig skriflega og munnlega um undirbúin efni. Þeir eiga einnig að vera færir um að skilja venjulegt talað og ritað mál almenns eðlis. Nemendur eru þjálfaðir í framburði og læra að beita undirstöðuatriðum málfræðinnar. Dönsk menning er kynnt og áhugi á henni vakinn.
Engar
Nemandi skal hafa öðlast þekkingu og skilning á:
danska menningarsvæðinu og hvernig danska nýtist á norræna menningarsvæðinu almennt
orðaforða sem nauðsynlegur er til að mæta hæfniviðmiðum áfangans
grundvallarþáttum málkerfisins
formgerð og byggingu texta í töluðu og rituðu máli
Nemandi skal hafa öðlast leikni í að:
skilja talað mál um kunnugleg efni þegar talað er skýrt og áheyrilega
lesa ýmiss konar texta á eigin áhugasviði eða texta um kunnugleg efni og beita þeim lestraraðferðum sem við eiga eftir gerð textans eða viðfangsefnisins
taka þátt í almennum samræðum um efni sem hann þekkir eða hefur áhuga á og beita kurteisisvenjum, málvenjum og hljómfalli við hæfi
segja frá á skýran hátt með því að beita orðaforða, málvenjum, framburði, áherslum og hljómfalli á sem réttastan hátt
skrifa samfelldan texta um efni sem hann þekkir eða hefur áhuga á og nota viðeigandi málfar
fara eftir grundvallarreglum sem gilda um ritað mál
nota upplýsingatækni og hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
fylgjast með frásögnum um almenn efni ...sem er metið með... hlustunum og umræðum
ná aðalatriðum úr fjölmiðlum og nýta sér þau, þegar fjallað er um kunnugleg efni ...sem er metið með... hlustunum og ritunarverkefnum
tileinka sér aðalatriðin í styttri lestextum og nýta á mismunandi hátt ...sem er metið með... umræðum og ritunarverkefnum
lesa sér til ánægju og þroska skáldskap af hæfilegu þyngdarstigi ...sem er metið með... lesskilningsverkefnum
ráða við mismunandi aðstæður í almennum samskiptum um kunnugleg efni ...sem er metið með... umræðum
útskýra og rökstyðja skoðanir sínar ...sem er metið með... umræðum og ritunarverkefnum
miðla eigin þekkingu og skoðunum á efni sem hann hefur kynnt sér ...sem er metið með... kynningum og ritunarverkefnum
skrifa um áhugamál sín og kunnugleg efni ...sem er metið með... ritunarverkefnum
leysa úr viðfangsefnum einn eða í samstarfi við aðra ...sem er metið með... kynningum, jafningjamati og sjálfsmati
þróa með sér aga, metnað, ábyrgð og jákvæðni í vinnubrögðum ...sem er metið með... umræðum og jafningjamati
meta eigið vinnuframlag ...sem er metið með... ritunarverkefnum og sjálfsmati
Í áfanganum er viðhaft símat alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.