Áhersla verður lögð á að kenna og þjálfa nemendur í að mála málverk mð akrýllitum, blandaðri tækni og olíulitum með því að vinna markvisst ferli frá frumskissu , tilraunum með liti, form og myndbyggingu og til lokaniðurstöðu. Nemendur læra að strekkja striga á blindramma.
Haldið áfram að þróa vatnslitamálun sem skissutæki fyrir málverk og vinna málverk með blandaðri tækni þar sem m.a. verður unnið með því að teikna og mála samhliða í sömu mynd.
Nemendur vinna að mestu eftir eigin hugmyndum.
Áhersla er lögð á að nemendur hengi upp verk sín og skoði þau í samhengi og þjálfist í að ræða um þau.
Nemendur kynnast verkum íslenskra samtímalistamanna bæði í tímum og með því að fara á sýningar
og einnig völdum verkum erlendra málara sem tengjast efni áfangans
MÁLV2GR05
Nemandi skal hafa öðlast þekkingu og skilning á:
hvernig nota á akrýlliti og olíuliti við gerð málverka
hvernig blanda má teikningu og ýmsum efnum í málverk
hvernig valdir myndlistarmenn vinna málverk sín
Nemandi skal hafa öðlast leikni í að:
mála tvívíð verk með fjölbreyttri tækni og efni
Nemandi skal geta hagnýtt þá almennu þekkingu og leikni sem hann hefur aflað sér til að:
mála myndverk með mismunandi litum og tækni, frá frumskissu til lokamálverks og ganga frá því í blindramma ...sem er metið með... verkefnum
Símat þar sem öll verkefni nemenda, verkleg og skrifleg, verða metin með tilliti til tækni, fagurfræði, vinnusemi, vinnubragða og hvernig nemandi tekur tilsögn kennara.