Áhersla í áfanganum er á að kenna mismunandi aðferðir í textameðferð bæði textaflutningi og textaskilningi. Farið er í bundinn texta eins og gríska harmleiki og Shakespeare. Einnig er farið í nútímatexta og nemendur fá tækifæri til að búa til sínar eigin einræður út frá nútímatexta. Nemendur læra að vinna texta til flutnings og farið er í grunnvinnu í raddbeitingu og hljóðmótun. Einnig fá nemendur kennslu í raddheilbrigði. Nemendur fá þjálfun í að hlusta á og flytja mismunandi gerðir texta.
LEIK1GR05 og LEIK1SP05
Nemandi skal hafa öðlast þekkingu og skilning á:
hvernig vinna á bundinn texta til túlkunar á leiksviði
hvernig röddin virkar sem líffæri og hvernig á að halda henni heilbrigðri
sjálfum sér í vinnunni
þeim ólíku leiðum sem hægt er að fara til að túlka og tjá texta á sviði
Nemandi skal hafa öðlast leikni í að:
hita upp rödd og líkama til að undirbúa textaflutning
greina bundinn og óbundinn texta til túlkunar og flutnings
beita röddinni á þann hátt sem gerir túlkun texta áhrifaríkan og dýnamískan
nota röddina sína á heilbrigðan hátt
miðla til annarra hvernig hugsa á vel um röddina
skrá hjá sér hugleiðingar sínar um textavinnuna, sjálfan sig í vinnunni og hugmyndir sínar um leikhús, efnið og fleira sem nemanda langar til að skrifa um
gera sér grein fyrir þeim fjölmörgu ólíku leiðum sem hægt er að fara í textaflutningi
Nemandi skal geta hagnýtt þá almennu þekkingu og leikni sem hann hefur aflað sér til að:
flytja bundinn og óbundinn texta á áhrifaríkan og blæbriðaríkan hátt ...sem er metið með... munnlegri framsögn
geta sagt frá og skrifað um þá möguleika sem eru til við að túlka og tjá texta ...sem er metið með... dagbók og munnlegri tjáningu
geta sagt frá og skrifað um eiginn möguleikum og hindrunum í textaflutningi ...sem er metið með... dagbók, umræðum og gólfvinnu
geta sagt frá hvernig heilbrigð rödd virkar ...sem er metið með... munnlegu prófi
Aðaláhersla áfangans er á greiningu og túlkun einræðutexta. Nemandi fær mörg tækifæri til flytja einræður og hlusta á hina. Í umræðum í textavinnunni gerir kennari nemendum grein fyrir helstu áherslum við textavinnu.
Metið verður hversu margar ólíkar og skapandi leiðir nemandi getur valið til að túlka mismunandi texta.
Í lokin er fenginn utanaðkomandi prófdómari til að meta hæfni nemenda til að skila texta þar sem blæbrigði raddarinnar og leiktúlkun eru sérstaklega metin
Skilningur á raddheilbrigði verður prófaður í stuttu munnlegu prófi í lok annar.
Dagbók í gegnum önnina virkar sem aðhald og nemendur þurfa að skila greinagerð í lok annar um dagbókina sína og þann lærdóm og þroska sem hefur farið fram.