Hvað er platónsk ást? Hvað eru rök? Hvað er gott líf? Er hægt að svíkja en samt vera trúr? Heimspeki er aðferð til að íhuga líf okkar. Í áfanganum hversdagsheimspeki (hagnýt heimspeki) verða spurningar sem brenna á vörum okkar daglega teknar til athugunar. Siðfræði og þekkingarfræði koma við sögu. Hvað er réttlæti ? Er örugg þekking möguleg? Ræddar verða spurningarnar út frá kenningum heimspekinga en jafnframt okkar eigin reynslu.
Engar
Nemandi skal hafa öðlast þekkingu og skilning á:
völdum viðfangsefnum heimspekinnar á sviði siðfræði og þekkingarfræði
kenningum forngrískra heimspekinga um réttlæti einstaklings og samfélags
rökum, hvernig þau eru skilgreind og hvernig þau eru metin
Nemandi skal hafa öðlast leikni í að:
þekkja heimspekilegan texta
greina rökstuðning og forsendur hugmynda
lýsa aðferðafræði heimspekinnar við úrlausn mála
vinna með heimildir í APA kerfinu
Nemandi skal geta hagnýtt þá almennu þekkingu og leikni sem hann hefur aflað sér til að:
beita heimspekilegum hugtökum á daglega reynslu ...sem er metið með... verkefnum,prófum og munnlegri framsögn
átta sig á heimspekilegum meginreglum og beita þeim ...sem er metið með... verkefnum,prófum og munnlegri framsögn
setja saman klípusögur til að varpa ljósi á heimspekileg vandamál ...sem er metið með... verkefnum
bæta sig sem siðferðisveru ...sem er metið með... verkefnum,prófum og munnlegri framsögn