Áfanginn miðar að því að nemendur skoði listgreinar frá ólíkum heimshornum. Nemendur fá innsýn í listsköpun frá ólíkum menningarheimum. Þeir skoða hvernig þróun listsköpunar hefur fært okkur til póstmódernisma. Rýnt verður áfram í listfomin þrjú: sjónlist, leiklist og tónlist. Hafðar verða umræður og vangaveltur um áhrif stjórnmála, átaka, tækni, tísku, félags- og menningarlegs samhengis á stílbrigði hverrar heimsálfu fyrir sig. Einnig verða teknir fyrir þrír íslenskir listamenn í hverri viku.
Lögð er áhersla á að nemandinn tileinki sér gagnrýna og skapandi lausnarhugsun og öðlist með því hæfni í að miðla eigin hugmyndum og skoðunum. Að hann opni sig, leiti út fyrir þægindarammann í tilraunavinnu sinni og þar með öðlist óheftara frelsi til sköpunar og tjáningar.
Námið í áfanganum gerir nemandanum kleift að skilja og meðtaka gildi menningararfsins, hvort sem hann snýr að heimabyggð eða heiminum öllum.
LISF1LI5
Nemandi skal hafa öðlast þekkingu og skilning á:
Skapandi lausnaleit í gegnum tilraunavinnu
Fjölbreytileika efnisnotkunar og úrvinnslu
Að sjá fleiri og opnari möguleika í vinnuferlinu
Sjálfum sér, hugsun og verklagi
Hvernig menning og listir tengjast atvinnusköpun og samfélagsþróun
Gildi menningararfsins, hvort sem hann snýr að heimabyggð eða heiminum öllum.
Nemandi skal hafa öðlast leikni í að:
Virkja hugmyndaflugið og þar með sköpunarkraftinn
Sjá fleiri og opnari möguleika í vinnuferlinu
Tjá sig um list úr ólíkri menningu
Tjá sig á ólíkan hátt með sköpun í gegnum ýmsa miðla
Njóta lista og skapandi starfs á margvíslegu formi
Skiptast á skoðunum og átt uppbyggileg samskipti við annað fólk
Hafa skilning á fjölbreytileika efnisnotkunar og úrvinnslu.
Nemandi skal geta hagnýtt þá almennu þekkingu og leikni sem hann hefur aflað sér til að:
Beita skapandi lausnarhugsun, bæði í leik og starfi
Sýna frumkvæði og skapandi hugsun
Greina ný tækifæri í umhverfinu
Nota fjölbreyttar aðferðir við að leysa viðfangsefni
Horfa á sköpun, myndlist og hönnun með opnum hug.
Leiðsagnarmat. Fjölbreytt verkefni metin jafnt og þétt yfir önnina. Áhersla á umsagnir sem leiða nemandann áfram. Engin skrifleg lokapróf.