Áræðni, ímyndunarafl og túlkun.
Í áfanganum eiga nemendur að geta sýnt frumkvæði og skapandi nálgun í verkefnum sínum og beitt viðeigandi aðferðum við útfærslu verka. Áfanginn byggir á þeim grunni sem nemendur hafa aflað sér í teikningu og meðferð olíulita. Námið byggir á fjölbreyttum verkefnum þar sem mikil áhersla er lögð á persónulega túlkun í meðferð lita og myndefnis.
Kennslan er einstaklingsbundin og miðar að því að gera nemendur tilbúna til að takast á við fjölbreytt og krefjandi verkefni.
Nemendur kynnast helstu efnum sem notuð eru við olíumálun auk þess sem aðrir miðlar og efni verða skoðuð. Áhersla verður lögð á að nemendur nýti sér teiknikunnáttu sína á skapandi hátt og verður markvisst farið í æfingar sem losa um sköpunargáfuna auk þess að styðja við formskyn og myndbyggingu. Farið verður ítarlegar í blöndun lita og hagnýtingu litasamsetningar á markvissann hátt. Mikil áhersla verður lögð á að nemandi geti þróað eigin hugmynd og útfært í málverk.
A.m.k. 10 einingar á 2. þrepi
Nemandi skal hafa öðlast þekkingu og skilning á:
faggrein sinni
miðlun sköpunar sinnar
samfélagslegu hlutverki myndlistar
meðferð og túlkun á litum
skapandi teikningu
hugmyndavinnu
gildi þess að tjá sig um eigin sköpun og sýna
vinnuumhverfi, vinnutækjum og áhöldum sinnar listgreinar og meðferð þeirra
leiðum til að miðla þekkingu á fagsviði sínu á fjölbreytilegan hátt
Nemandi skal hafa öðlast leikni í að:
nýta sértæka þjálfun sína í líkamsbeitingu, tækni, verklagi, skapandi aðferðum og túlkun í sinni listgrein
skipuleggja verkferli í listgrein sinni með ábyrgum og sjálfstæðum hætti
sýna frumkvæði og skapandi nálgun í listgrein sinni og beitt viðeigandi aðferðum við útfærslu verka
tjá sig á skýran, ábyrgan, gagnrýninn og skapandi hátt um eigin verkferli og listrænar niðurstöður
beita mismunandi miðlunarleiða í sinni listgrein af öryggi og geti valið viðeigandi leið með tilliti til verkefna og aðstæðna hverju sinni
Nemandi skal geta hagnýtt þá almennu þekkingu og leikni sem hann hefur aflað sér til að:
hagnýta þá sérhæfðu þekkingu, leikni, aðferðir og verkkunnáttu sem hann hefur aflað sér ...sem er metið með... umræðum, verklegum æfingum og skriflega
öðlast sjálfstraust og sjálfstæði í þróun hugmynda og sýna áræðni við útfærslu þeirra og túlkun ...sem er metið með... umræðum, verklegum æfingum og skriflega
nota ímyndunarafl, innsæi og tilfinningar við sköpun ...sem er metið með... umræðum, verklegum æfingum og skriflega
gera sér grein fyrir fagurfræðilegu, siðferðilegu og samfélagslegu hlutverki listamannsins ...sem er metið með... umræðum, verklegum æfingum og skriflega
greina, tjá sig um og meta eigin verk og annara af þekkingu, víðsýni og umburðarlyndi ...sem er metið með... umræðu
öðlast hæfni til að meta listrænan styrk sinn og komi auga á hagnýtingu menntunar sinnar ...sem er metið með... sjálfsmati, umræðum, verklegum æfingum og skriflega
geta staðið að opinberri sýningu/tónleikum/viðburði og miðlað þar listrænum styrk sínum ...sem er metið með... framkvæmd sýningar og umræðum
þróa með sér aga, metnað, ábyrgð og jákvæðni í vinnubrögðum ...sem er metið með... umræðum, verklegum æfingum og skriflega
Í áfanganum er viðhaft símat alla önnina og lögð er áhersla á vinnusemi, sköpun og áræði.
Öll verkefni gilda til einkunnar og þess vegna er það mikilvægt að nemendur stundi námið reglulega.