Markmið áfangans er að gefa nemendum tækifæri til að lesa fjölbreyttar skáldsögur á ensku sér til ánægju og yndisauka. Bókalistinn samanstendur til dæmis af vísindaskáldsögum, samtímabókmenntum, klassík, spennusögum og ævintýrabókum. Nemendur velja sér fjórar bækur af bókalista sem kennari leggur til og segja kennara síðan frá hverri bók að loknum lestri.
Engar
Nemandi skal hafa öðlast þekkingu og skilning á:
mikilvægi lestrar
mismunandi stíltegundum bókmenntaverka
þeirri ánægju sem felst í lestri bóka
Nemandi skal hafa öðlast leikni í að:
greina aðalatriði texta
veita uppbyggilega gagnrýni um lesin bókmenntaverk
stuðla að málefnalegri umræðu um ákveðin stef eða þemu í lesnum bókmenntaverkum á ensku
tjá og rökstyðja persónulegar skoðanir sínar á ensku
Nemandi skal geta hagnýtt þá almennu þekkingu og leikni sem hann hefur aflað sér til að:
auka ánægju sína við lestur enskra bókmenntaverka
lýsa flóknum atburðum með skýrum hætti á ensku
Símatsáfangi sem byggir á fjórum skilafundum yfir önnina