Í áfanganum er lögð áhersla á að nemendur kynnist ólíkum tegundum sagnfræðilegra vinnubragða. Leitast verður við að kynna aðferðir við söfnun munnlegrar sögu, frumheimildir og gildi heimilda sem og ólíkar nálganir innan sagnfræðinnar svo sem einsögu, kvennasögu og hagsögu. Fjallað verður um tímabilið sem kallað er stutta 20. öldin, tímabilið frá 1914-1989. Tímabilið verður skoðað bæði með gleraugum mannkynssögunnar en atburðir hennar verða einnig skoðaðir frá íslensku sjónarhorni.
Að minnsta kosti einn áfangi í sögu eða íslensku á 2. þrepi.
Nemandi skal hafa öðlast þekkingu og skilning á:
tilteknum þáttum í sögu 20. aldar
helstu reglum í heimildavinnu
möguleikum í miðlun sögunnar
Nemandi skal hafa öðlast leikni í að:
meta gildi og áreiðanleika heimilda
nota heimildir á gagnrýninn hátt
vinna heimildaverkefni
koma sögulegri þekkingu sinni á framfæri á fjölbreyttan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
greina meginþætti og álitamál í sögunni
geta leitað eftir mismunandi sjónarhornum
geta túlkað og ályktað um tiltekna atburði sögunnar
átta sig á tíðaranda
geti miðlað þekkingu sinni og hæfni á skapandi hátt
Leiðsagnarmat þar sem vinna nemanda er metin allan námstímann.
Verkefnavinna 60%
Lokaverkefni 30%
Frammistöðumat 10%