Í áfanganum er lögð áhersla á tjáningu,lestur texta, ritun og undirstöðuatriði enskrar málfræði með það fyrir augum að byggja upp virkan og hagnýtan orðaforða. Einnig er hugtakið menningarlæsi kynnt með umburðarlyndi gagnvart öðrum menningarheimum í huga. Lesnir verða valdir rauntextar af netinu og úr kennslubók, auk þess sem nemendur lesa valin skáldverk. Skriflegi þátturinn er þjálfaður með fjölbreyttum æfingum.
Nemendur eiga að tileinka sér munnlega tjáningu á ensku og er þeim leiðbeint í kennslustundum þar sem öll tjáskipti fara fram á ensku.
Grunnskólapróf
Nemandi skal hafa öðlast þekkingu og skilning á:
enskri menningu og enskri tungu
menningu í öðrum enskumælandi samfélögum
almennum málfræðireglum
sérkennum ritmáls og talmáls
Nemandi skal hafa öðlast leikni í að:
beita almennum málfræðireglum í rituðu máli
nota orðabók og viðeigandi hjálpargögn
tjá kunnáttu sína munnlega og skriflega
lesa og greina bókmenntatexta
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig í ræðu og riti á ensku
verða sjálfbjarga í upplýsingaöflun á ensku
geti aflað sér upplýsinga um ensk málsamfélög
lesa sér til gagns og gamans
Hópaverkefni og kynningar: 20%
Munnleg próf: 20%
Skrifleg próf: 20%
Lesefnispróf og verkefni: 10%
Skrifleg verkefni: 15%
Þáttaka og frammistaða í tímum: 15%