Byrjunaráfangi um rekstur fyrirtækja og umhverfi þeirra. Grunnatriði hagfræðinnar, mismunandi efnahagsheildir. Nemendur öðlist yfirsýn yfir fyrirtæki sem efnahagsheild og hvernig það þrífst í samkeppni við önnur fyrirtæki. Nemendur öðlist skilning á eðli og uppbyggingu fyrirtækja með því að skoða innviði svo sem kostnaðarsamsetningu, deildaskiptingu og sölumál og síðan ytra umhverfi fyrirtækis. Flokkun atvinnugreina, starfsgrundvöllur fyrirtækja, stefnumótun og markmiðssetning og kostnaðargreining. Grunnatriði markaðsfræði og bókhalds. Nemendur nýti sér eigin þekkingu úr atvinnulífinu, taki dæmi þaðan og beri saman við námsefnið. Nemendur nýti Netið til upplýsingaöflunar.
engar
Nemandi skal hafa öðlast þekkingu og skilning á:
grundvallarhugtökum hagfræðinnar, s.s. skorti, vali og fórn
helztu framleiðsluþáttum
helztu þáttum í umhverfi fyrirtækja og mismunandi áhrifum þeirra
hvað ræður staðarvali fyrirtækja - Hagsmunakenningunni
rekstrarformi fyrirtækja - skipuriti og dreifingu valds og ábyrgðar
helztu kostnaðarhugtökum
aðferðum við útreikning framlegðar og rekstrarjafnvægis. Muninum á beinum og óbeinum kostnaði. Helztu hugtökum markaðsfræðinnar
grunnhugsun frávikagreiningar við áætlanagerð
Nemandi skal hafa öðlast leikni í að:
flokka helztu atvinnugreinar á mismunandi hátt
vinna við stefnumótun og markmiðssetningu
fjalla um helztu stjórnunarstíla
skilja verðmætamyndun í fyrirtækjum og ráðstöfun þeirra
skilgreina hugtökin tekjur, kostnaður og afkoma
reikna eigið verð afurðar. Fjalla um mikilvægi bókhalds í rekstri
Nemandi skal geta hagnýtt þá almennu þekkingu og leikni sem hann hefur aflað sér til að:
útskýra framboð, eftirspurn og jafnvægi á markaði
skilgreina starfsgrundvöll fyrirtækja
útskýra framleiðslukerfi, skipulag framleiðsluþátta og samræmingu afkastagetu og geti sett þessi atriði fram myndrænt
setja fram fjárhagsáætlun og meta gildi hennar fyrir stjórnendur fyrirtækja
Námsmat er útfært í kennsluáætlun í samræmi við skólanámskrá.