Áfanginn er tvíþættur.
Fyrst er fjallað um félög og félagstarf, stofnun þeirra, kynningarmál og samkomuhald á þeirra vegum. Þessum hluta lýkur með verkefni sem tengist efninu.
Seinna í áfanganum verður fjallað um helstu þætti íþróttasálarfræðinnar.
Skoðuð verða ýmis áreiti sem áhrif hafa á afreksgetu íþróttamanna. Ennfremur fjallar áfanginn um spennu (streitu) og helstu spennuvalda, slökun og hug-rækt af ýmsu tagi. Skoðað verður hvernig vinna má með sjálfstraust og sjálfsmynd íþróttamannsins í því skyni að bæta árangur. Fjallað verður um muninn á einstaklings- og hópíþróttum og farið í áhrif félagslegra þátta á íþróttamanninn.
Efnisatriði:
Félog og félagsstarf, hlutverk félagsstjórna, kynningarstarf félaga og samkomuhald,
Íþróttasálfræði, hvatning, íþróttaleiðtoginn/þjálfarinn, skynjun og viðbragðsþjálfun, andlegt ástand, spennustilling, slökun, íþróttir og greind, hugræn þjálfun, hópastarf, keppni eða ekki keppni.
ÍÞRF2ÞJ05 eða FÉVÍ1ÞF05
Nemandi skal hafa öðlast þekkingu og skilning á:
félögum og félagslögum
helstu áreitum sem herja á íþróttamenn
þeim þáttum sem mynda sjálfsmynd íþróttamannsins
mikilvægi hvatningar í íþróttum
Nemandi skal hafa öðlast leikni í að:
þekkja lagaumhverfi og helstu tengingar í starfsemi félaga
vinna markvisst með sjálfstraust og sjálfsmynd íþróttamannsins
nota slökunartækni af ýmsu tagi til að minnka spennustig íþróttamanna
Nemandi skal geta hagnýtt þá almennu þekkingu og leikni sem hann hefur aflað sér til að:
standa fyrir félagslegum uppákomum af ýmsu tagi t.d. innan síns félags
minnka eða auka spennustig íþróttamanna í æfingu og leik
hvetja iðkendur til dáða, fá þá til gera sitt allrabesta í starfi og leik
Námsmat er útfært í kennsluáætlun í samræmi við skólanámskrá.