lesskilningur, málfræði, stig a2 í evrópska tungumálarammanum
Samþykkt af skóla
1
5
Í þessum áfanga er áhersla lögð á lestur fjölbreyttra texta til að auka lesskilning og orðaforða. Nemendur vinna hlustunaræfingar í tengslum við lesna texta. Undirstöðuatriði danskrar málfræði eru rifjuð upp. Auk þess er lögð mikil áhersla á að þjálfa nemendur í munnlegri tjáningu og ritun.
engar
Nemandi skal hafa öðlast þekkingu og skilning á:
þeim orðaforða sem nauðsynlegur er til að ná leikni- og hæfnimarkmiðum áfangans
algengum framburðarreglum (og tónfalli)
dönsku þjóðlífi og fengið aukna innsýn í skandinavíska menningu
notkun hjálpargagna svo sem orðabóka og leiðréttingarforrita
hvernig hann getur notað kunnáttu sína á íslensku máli og íslenskri málfræði til þess að auðvelda dönskunámið
Nemandi skal hafa öðlast leikni í að:
lesa texta um almenn efni og einfalda bókmenntatexta
skilja samtöl um algeng málefni
tjá sig skriflega í samfelldu máli um sjálfan sig, umhverfi sitt og þemum tengdum efni áfangans
beita grundvallaratriðum danskrar málfræði í ritun
segja frá efni sem hann hefur lesið eða kvikmynd sem hann hefur horft á
taka þátt í almennum samræðum um efni sem hann þekkir eða hefur áhuga á og beita eðlilegum málvenjum
nota orðabækur, upplýsingartækni og nauðsynleg hjálpargögn í tungumálanámi
Nemandi skal geta hagnýtt þá almennu þekkingu og leikni sem hann hefur aflað sér til að:
fylgjast með frásögnum og erindum og ná aðalatriðum úr fjöl- og myndmiðlum ef efnið er kunnuglegt
afla sér upplýsinga, greina helstu atriði þeirra og hagnýta sér í náminu
tileinka sér aðalatriðin í stuttum tímarits- eða blaðagreinum
takast á við flestar algengar aðstæður í almennum samskiptum
tjá sig um hugðarefni sín munnlega og skriflega
skipuleggja nám og námsaðferðir við hæfi
þróa með sér aga og skipulögð vinnubrögð
Námsmat er útfært í kennsluáætlun í samræmi við skólanámskrá.