Í áfanganum er fjallað um valda þætti í sögu annarra heimsálfa en Evrópu. Fjallað er um sögu Afríku, þar á meðal nýlenduvæðingu hennar, forn konungsveldi og nútímavæðingu. Í sögu Asíu er m.a. fjallað um fornríki Kínverja, uppgang múslima og áhrif þeirra í mið-Austurlöndum auk nútímasögu svæðanna. Loks verður fjallað um sögu Ameríku fyrir og eftir landnám Evrópumanna. Landnám Evrópumanna verður einnig skoðað í samhengi við sögu Ástralíu, Afríku og Asíu.
SAGA2MS06
Nemandi skal hafa öðlast þekkingu og skilning á:
tilteknum þáttum í sögu Asíu, Afríku, Ameríku og Ástralíu
áhrifum Evrópumanna á sögu svæðanna
ólíkum tegundum söguskoðunar
tilteknum langsniðum, svo sem jafnrétti, mannréttindum, velferð og sjálfbærni
Nemandi skal hafa öðlast leikni í að:
velta fyrir sér ólíkum sjónarhornum í söguskoðun
greina aðalatriði frá aukaatriðum
meta áreiðanleika heimilda
nota áreiðanlegar heimildir
skoða þróun, afleiðingar og tilhneigingar í sögulegu samhengi
Nemandi skal geta hagnýtt þá almennu þekkingu og leikni sem hann hefur aflað sér til að:
tjá sig munnlega og skriflega á gagnrýnan hátt um tiltekna þætti áfangans
geta greint meginþætti og álitamál
geta túlkað og ályktað um tiltekna atburði sögunnar
vinna sjálfstætt og í lýðræðislegri samvinnu við aðra á gagnrýninn hátt