Í áfanganum verður sjónum beint að ólíkum átakasvæðum í heiminum. Skoðaðar verða bókmenntir og saga þess lands sem er í deiglunni og netefni sem tengjast átökum af trúarlegum, kynþátta-og stjórnmálalegum toga víða um heim. Skoðaðar verða kvikmyndir með tengdu efni. Nemendur velja þverfagleg verkefni sem tengjast skáldsögum, sögu, menningu og átökum og fjalla einnig um skylduefni. Gerðar eru ítarlegri kröfur um málnotkun og orðaforða í skriflegum verkefnum.
Kennsla fer fram á ensku.
Að nemandi hafi lokið áfanganum ENSK3BL06
Nemandi skal hafa öðlast þekkingu og skilning á:
tilteknum átakasvæðum í heiminum
tilteknum bókmenntaverkum
ólíkum siðum, venjum og hefðum ólíkra þjóða
hvernig trúarbrögð eru notuð til að skapa ágreining milli hópa
Nemandi skal hafa öðlast leikni í að:
þekkja tiltekin deilumál í heiminum
bera kennsl á þá þætti sem vekja upp deilur milli hópa
tjá sig um skoðanir sínar á tilteknum deilumálum í ræðu og riti
Nemandi skal geta hagnýtt þá almennu þekkingu og leikni sem hann hefur aflað sér til að:
átta sig á viðkvæmu ástandi víða um heim í dag og sögulegar skýringar á því
skilja upphaf og ástæður deilna, t.d. milli ólíkra trúarhópa
tjá sig munnlega og skriflega á skapandi hátt á ensku um rökstuddar skoðanir sínar
vinna sjálfstætt og í lýðræðislegri samvinnu við aðra á gagnrýninn hátt