Kunnátta nemenda á bókhaldi er dýpkuð með flóknari færslum og kynningu á nýjum reikningum. Byrjað verður að fara í tolla og síðan í launabókhald. Sérstök áhersla er lögð á meðhöndlun verðtryggðra skuldabréfa, erlendra lána, hlutabréfa og hlutafjár í bókhaldi. Innflutningur vöru í gegnum töllvörugeymslu og óbeinar afskriftir á varanlegum eignum er tekinn fyrir. Kennt verður á tölvubókhald í síðasta hluta námskeiðsins.
BÓKF1IN04_2
Nemandi skal hafa öðlast þekkingu og skilning á:
helstu reikningum og aðferðum sem notaðar eru við færslu bókhalds
grunnþáttum í launabókhaldi
grunnþáttum í meðferð hlutabréfa og skuldabréfa í bókhaldi
grunnþáttum bókunaraðferða vegna erlendra viðskipta
Nemandi skal hafa öðlast leikni í að:
færa handvirkt og í tölvubókhaldi daglegan fyrir rekstur minni fyrirtækja
lagfæra bókhaldið með hliðsjón af athugasemdum
gera upp fyrirtæki hvort sem um ársuppgjör eða slit á fyrirtæki er að ræða
Nemandi skal geta hagnýtt þá almennu þekkingu og leikni sem hann hefur aflað sér til að:
greina frá almennum reikningum sem notaðir eru í dagbók
geta fært dagbókarfærslur fyrir minni fyrirtæki með fyrirliggjandi upplýsingum
geta lagfært bókhaldið með fyrirliggjandi upplýsingum
geta gert upp efnahags- og rekstrarreikning með hliðsjón af fyrirliggjandi upplýsingum
Námsmatið er tvíþætt. Nemendur þreyta próf í tímum 60% og senda inn skilaverkefni, 40%. Meðaleinkunn fyrir hvern og einn af þessum tveimur þáttum þarf að vera minnst 4.5 til þess að standast áfangann. Nái einn af þáttunum tveimur ekki 4.5, gildir sú einkunn sem lokaeinkunn áfangans.