Í áfanganum er farið í gildi fjármála fyrir einstaklinginn, fyrirtækið og samfélagið. Lögð verður áhersla á fjármálalæsi sem hagnýta fræðigrein sem nýtist öllum í námi og starfi. Í áfanganum er fjallað um tilvistarspeki og eðli frelsis og ábyrgðar á sviði fjármála, eðli kapítalísks markaðshagkerfis, eðli peninga, fjármálastofnanir, tekjur, útgjöld, sparnað, lánamál, peningaáhyggjur, fjármál lítils fyrirtækis og grunnatriði persónuþróunar hvers einstaklings. Áfanginn er góður undirbúningur undir félagsvísindanám, viðskiptafræðinám og háskólanám í hagfræði.
Engar
Nemandi skal hafa öðlast þekkingu og skilning á:
grunnþáttum hagkerfisins
algengum misskilningi og rangfærslum um eðli fjármála einstaklinga
grunnþáttum fjármála einstaklings, þ.e. eðli tekna, sparnaðar og lána
eðli frelsis og ábyrgðar einstaklingsins í nútímasamfélagi
Nemandi skal hafa öðlast leikni í að:
fara með peninga í samræmi við eigin markmið í lífinu
greina fjármálahugtök
geta tekið skynsamlegar ákvarðanir um lán og sparnað
temja sér persónuþróun á sviði fjármála
Nemandi skal geta hagnýtt þá almennu þekkingu og leikni sem hann hefur aflað sér til að:
leggja mat á upplýsingar um efnahagsmál
taka þátt í daglegri fjármálaumræðu út frá faglegu sjónarmiði
tengja undirstöðuþekkingu í fjármálum við þróun efnahagsmála
afla sér frekari þekkingar um fjármál og geta nýtt sér upplýsingatækni og Netið við öflun upplýsinga og lausn verkefna sem tengjast fjármálaviðfangsefnum.