Það kom upp villa senda inn  Áfangi

    Áfangi Nánari upplýsingar


    Búið til: 1365767351.4

    Sjúkdómafræði 1
    SJÚK2MS05
    1
    Sjúkdómafræði
    Meinafræði, sjúkdómar
    Samþykkt af skóla
    2
    5
    Í áfanganum er fjallað um þróun sjúklegra breytinga í mannslíkama frá frumulöskunum til sjúkdóma í líffærakerfum. Viðbrögðum frumna og vefja við álagi er lýst og hlutverki samvægisferla í viðhaldi heilbrigðis. Fjallað er um grundvallarhugtök í meinafræði eins og ónæmisviðbrögð, viðgerðarferli og vefjadrep. Fjallað er um sýkingar, erfðir og æxlisvöxt og tengsl umhverfisáhrifa og sjúklegra breytinga í líkama. Áhættuþættir, einkenni, orsakir, afleiðingar og meðferðamöguleikar algengra sjúkdóma í stoðkerfi, taugakerfi og þekjukerfi eru teknir til umfjöllunar. Latneskt nafngiftakerfi í meinafræði og sjúkdómafræði er útskýrt.
    Líffæra-og lífeðlisfræði 103,203
    Nemandi skal hafa öðlast þekkingu og skilning á:
    • algengum fræðilegum hugtökum sem tengjast efni áfangans
    • mikilvægi samvægis fyrir heilbrigði líkamans
    • þróun sjúklegra breytinga í líkama
    • viðbrögðum frumna, vefja, líffæra, líffærakerfa við álagi og samvægistruflunum
    • algengum sýkingum í mannslíkama og einkennum þeirra
    • samspili umhverfis-og erfðaþátta í sjúkdómsþróun
    • flokkun, hegðun og frumorsökum æxlisvaxtar
    • áhættuþáttum, einkennum, orsökum, afleiðingum og meðferðarmöguleikum algengra sjúkdóma í þekjukerfi, stoð- og taugakerfi
    • fjölbreyttum miðlum til þess að viðhalda og þróa þekkingu sína í sjúkdóma-og meinafræði
    • latneskum nafngiftum í meinafræði og sjúkdómafræði
    Nemandi skal hafa öðlast leikni í að:
    • nota algeng fræðileg hugtök sem tengjast efni áfangans
    • bera saman þróun sjúklegra breytinga í frumum, vefjum, líffærum og líffærakerfum
    • bera saman löskunaráhrif og smithæfni algengra sýkinga í mannslíkama
    • gera grein fyrir samspili umhverfis-og erfðaþátta í sjúkdómsþróun
    • útskýra flokkun, hegðun og frumorsakir æxlisvaxtar
    • gera grein fyrir áhættuþáttum, einkennum, orsökum, afleiðingum og meðferðarmöguleikum algengra sjúkdóma í þekjukerfi, stoð- og taugakerfi
    • nota fjölbreytta miðla til þess að viðhalda og þróa þekkingu sína í sjúkdóma-og meinafræði
    • nota latneskar nafngiftir yfir sjúkdóma og hugtök í meinafræði
    Nemandi skal geta hagnýtt þá almennu þekkingu og leikni sem hann hefur aflað sér til að:
    • rekja þróun sjúklegra breytinga í frumum, vefjum, líffærum og líffærakerfum og útskýra viðbrögð líkamans við þeim
    • viðhafa viðeigandi smitgát vegna smitandi sjúkdóma
    • draga ályktanir um möguleg áhrif umhverfislaskana og erfðagalla á sjúkdómsþróun
    • miðla þekkingu um meinafræði og sjúkdóma í þekjukerfi, stoðkerfi og taugakerfi á fjölbreyttan og skapandi hátt
    • nýta þekkingu sína í sjúkdómafræði í starfi
    Leiðsagnar-og símat, verkefni og lokapróf