Valáfangi í félagsvísindum á starfsbraut þar sem áhersla er lögð á að bæta skilning á félagslegum fyrirbærum sem hafa áhrif á daglegt líf nemenda. Kynntar verða fræðigreinarnar heimspeki, sagnfræði, fornleifafræði, félagsfræði, stjórnmálafræði, mannfræði og sálfræði. Kennsluaðferðir eru meðal annars umræður, verkefnavinna, örfyrirlestrar og gestafyrirlestrar. Markmið er að auka færni nemenda í að tjá sig munnlega og skriflega, fjalla um efni út frá eigin forsendum, hlusta á aðra og taka þátt í samræðu og samstarfi. Jafnframt er stefnt að því að námið auki víðsýni og nemendur tileinki sér jafnréttissjónarmið og umburðarlyndi.
Engar
Nemandi skal hafa öðlast þekkingu og skilning á:
viðfangsefnum fræðigreina á sviði félags- og hugvísinda
aðferðum og vinnubrögðum félagsvísindamanna
einkennum mikilvægustu fyrirbæra á sviði þjóðfélagsfræði
helstu hugtökum í félagsfræði og sálfræði
þeim stofnunum samfélagsins sem mestu skipta í daglegu lífi
því hvernig fólk skiptist á skoðunum og ræðir mál til niðurstöðu
Nemandi skal hafa öðlast leikni í að:
skilja umfjöllun um helstu viðfangsefni áfangans til dæmis í fjölmiðlum
nota allra algengustu hugtök til að fjalla um efni áfangans
setja fram skoðanir sínar og rökstyðja þær í samtali við aðra
bregðast við skoðunum annarra á málefnalegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
afla upplýsinga um þau þjóðfélagsmál sem mestu skipta ...sem er metið með... verkefnum og umræðum
nýta þær upplýsingar sem aflað hefur verið til að gæta eigin hagsmuna ...sem er metið með... umræðum
setja sig í spor annarra og skilja muninn á eigin hagsmunum og annarra ...sem er metið með... umræðum
tjá skoðanir sínar og bregðast málefnalega við skoðunum annarra ...sem er metið með... umræðum
Símat fer fram alla önnina. Grunnur einkunna er úrlausn verkefna, bæði vikulegra verkefna og annarra verkefna, kynninga og umræðna í kennslustundum.