Áhersla á sköpun, frumkvæði, samvinnu og þátttöku í stóra verkefninu eftir getu hvers og eins og að allir fái verkefni við hæfi. Aðalhluti áfangans er að gera fullgerða stuttmynd sem verður framlag í stuttmyndakeppni starfsbrauta. Nemendur spreyta sig á öllu því sem við kemur að gera stuttmynd og skila henni fullbúinni til keppni. Finna efni í stuttmynd, rannsaka efnið, búa til handrit, taka myndina upp, leika, klippa og búa til kynningu og hafa frumsýningu. Nemendur heimsækja söfn, fólk og aðra staði til undirbúnings kvikmyndatöku. Einnig þurfa nemendur að sækja um leyfi þar sem það á við, til að taka upp stuttmyndina.
Engar
Nemandi skal hafa öðlast þekkingu og skilning á:
því hvernig á að vinna saman að svona verkefni
því að skrifa handrit
notkun handritsforrit til að skrifa kafla
ábyrgð hvers og eins í verkefninu
því hvernig hvert ferli í gerð stuttmyndar er mikilvægt
þöglum myndum – leiktjáningu, tónlist
nauðsyn réttrar lýsingar við kvikmyndaupptöku
nauðsyn búninga og förðunar til að búa til persónur
Nemandi skal hafa öðlast leikni í að:
vinna saman
að nota myndvélabúnað til þess að taka upp kvikmynd
koma með hugmyndir og framkvæma þær
leika mismunandi persónur
taka gagnrýni á málefnalegan hátt og færa rök fyrir sínum skoðunum
taka tillit til annarra
Nemandi skal geta hagnýtt þá almennu þekkingu og leikni sem hann hefur aflað sér til að:
greina á milli góðra og lélegra atriða
taka upp atriði á myndavélarbúnað og hafa lýsingu á tökustað
búa til stuttmynd úr mörgum samsettum atriðum
vinna með mörgum og ólíkum einstaklingum
sýna þolinmæði og biðlund við langa tökudaga
Í áfanganum er leiðsagnarmat með símat alla önnina. Öll verkefni gilda til einkunnar. Nemendur þurfa einnig að standast mætingarkröfur áfangans.