Áfanginn miðar að því að nemendur öðlist færni í undirstöðuatriðum enskrar málfræði, séu færir um að tjá sig um einfalda hluti bæði munnlega og skriflega, skilji daglegt mál og séu undir það búnir að fara á annað þrep í ensku. Til þess þurfa nemendur meðal annars að öðlast nokkuð breiðan, hagnýtan og virkan orðaforða.
Áhersla verður lögð á að nemendur læri að nýta sér öll þau hjálpartæki sem í boði eru og þeim gerð grein fyrir því hvernig þeir geti sjálfir bætt við þekkingu sína og tekið ákvarðanir er varða nám þeirra. Unnið er að því að efla sjálfstæði nemenda og þeir hvattir til að finna eigin leiðir til að ná árangri í náminu, því er áhersla lögð á að nemendur vinni sjálfstætt að hinum ýmsu verkefnum og kynningum.
Nemendur kynna sér hina margvíslegu menningarheima enskumælandi landa um heim allan með því að skoða mismunandi bókmenntaverk, en einnig með því að skoða fréttaefni líðandi stundar.
Engar
Nemandi skal hafa öðlast þekkingu og skilning á:
undirstöðuatriðum enskrar málfræði
þverfaglegum orðaforða til hagnýtra nota
helstu menningarsvæðum þar sem tungumálið er notað sem móðurmál eða fyrsta mál
rithefðum sem við eiga í textasmíð, m.a. Um inngang, meginmál með afmörkuðum efnisgreinum og niðurlag
Nemandi skal hafa öðlast leikni í að:
nota orðabækur, sér í lagi stafrænar
nota upplýsingatækni og hjálpargögn í tungumálanámi
lesa fjölbreyttar gerðir texta
tjá sig munnlega skýrt um málefni sem hann hefur kynnt sér
tjá sig skriflega bæði á formlegan og óformlegan hátt
skrifa skipulegan texta og skipt í efnisgreinar
Nemandi skal geta hagnýtt þá almennu þekkingu og leikni sem hann hefur aflað sér til að:
skilja daglegt mál, svo sem samræður og fjölmiðlaefni, hvort sem hann þekkir umræðuefnið eða ekki
tjá sig skýrt og lipurlega fyrir áheyrendum um sérvalið efni sem hann hefur kynnt sér
skrifa formlegan og óformlegan texta og beita rithefðum sem við eiga í textasmíð
lesa sér til ánægju og þroska skáldskap af hæfilegum þyngdarstigi og tjá skoðun sína