Nemendur þurfa að stunda markvisst og skipulega íþrótt sína 3-4x í viku undir handleiðslu þjálfara. Sérstök áhersla verður lögð á einstaklingsmiðaða þjálfun út frá æfinga- og keppnisálagi.
Engar
Nemandi skal hafa öðlast þekkingu og skilning á:
mikilvægi þess að þjálfun sé markviss og skipulögð til að ná árangri
hvað líkamlegt form sé og hvernig það sé þjálfað markvisst og skipulega
mikilvægi þess að æfa rétt út frá æfinga- og keppnisálagi
Nemandi skal hafa öðlast leikni í að:
meta líkamlegt form sitt og hvernig æfingu eigi að iðka hverju sinni út frá æfinga- og keppnisálagi
meta kosti og galla sína sem íþróttamann í þeirri íþróttagrein sem þeir iðka
Nemandi skal geta hagnýtt þá almennu þekkingu og leikni sem hann hefur aflað sér til að:
nýta þjálfun sína sem best til að ná sem bestum árangri
Í áfanganum er leiðsagnarmat með símat alla önnina. Nemendur þurfa ekki að skila neinum verkefnum, en krafist er þess að nemendur stundi íþrótt sína 3-4x í viku undir handleiðslu þjálfara ásamt því að krafist er 90% mætingar í kennslustundirnar (ein í hverri viku).