Náms- og starfsfræðsla þar sem nemandinn kynnist helstu reglum sem gilda um mannleg samskipti á vinnustað. Fræðsla um réttindi og skyldur starfsmanna á almennum vinnumarkaði. Farið verður yfir öryggis- og umhverfismál, hættur og hollustu. Hlutverk stéttarfélaga kynnt. Farið yfir launaseðil.
Einnig verður kennd almenn notkun upplýsingatækni.
Engar
Nemandi skal hafa öðlast þekkingu og skilning á:
tilgangi starfs og mikilvægi þess í tengslum við önnur störf
helstu atriðum sem taka ber tillit til við starfsval
öryggi og hollustuháttum á vinnustað
réttindum og skyldum launþega
launaseðli og merkingu hans
helstu launþegasamtökum og hlutverki þeirra
helstu atriðum upplýsingatækni
Nemandi skal hafa öðlast leikni í að:
þekkja sterkar hliðar sínar í tengslum við starfsval
vega og meta aðstæður á vinnustað með t.t. öryggismála
nýta helstu ritvinnslu og reikniforrit
nota forritið PhotoStory sem tæki til að kynna sig
Nemandi skal geta hagnýtt þá almennu þekkingu og leikni sem hann hefur aflað sér til að:
þekkja rétt sinn og skyldur á vinnumarkaði
lesa úr einföldum launaseðli ...sem er metið með... umræðum og verkefnum
velja sér starf við hæfi ...sem er metið með... umræðum og verkefnum
þekkja almenn öryggisatriði á vinnustöðum ...sem er metið með... umræðum og verkefnum
geta sótt sér upplýsingar hjá launþegasamtökum
þekkja muninn á upplýsingatækni í leik og starfi
Kennslunni er skipt upp í lotur. Hver lota stendur yfir í mánuð.
Kennt er í bekk með umræðum, stuttum fyrirlestrum, myndbandasýningu og töflukennslu þar sem áhersla er lögð á að kryfja efnið til að dýpka skilning.
Nemendur vinna verkefni frá kennara saman í hóp eða einir eins og hverjum hentar. Í lok hverrar lotu taka nemendur lotupróf eða vinna verkefni og kynna sem mynda lokaeinkunn.