Í áfanganum verður farið yfir grunnatriði íþróttasálfræðinnar og þau tengd við annars vegar almenna sálfræði og hins vegar við aðrar aðstæður eins og vinnustaði, vinahóp og nám. Skoðuð eru ýmis áreiti sem hafa áhrif á afreksgetuna, fjallað um spennu og helstu spennuvalda ásamt slökun. Farið verður í aðferðir til að auka sjálfstraust og sjálfsmynd til að bæta árangur. Fjallað verður um muninn á einstaklings- og hópíþróttum og farið í áhrif félagslegra þátta á íþróttamanninn. Einnig verður leiðtoginn skoðaður. Í öllum atriðunum verður reynt að tengja þau einnig við aðrar aðstæður en íþróttaaðstæður, s.s. vinnuna, námið og vinahópinn.
Inngangur að félagsvísindum
Nemandi skal hafa öðlast þekkingu og skilning á:
íþróttasálfræði og mikilvægi hennar í þjálfun og keppni
helstu atriðunum sem hafa áhrif á spennustig
einbeitingar- og hugarþjálfun
mikilvægi góðrar sjálfsmyndar og sjálfstrausts
tengslum áhugahvatar og frammistöðu
mikilvægi hvatningar í íþróttum
Nemandi skal hafa öðlast leikni í að:
nýta sér einbeitingar- og hugarþjálfun
finna leiðir til eflingar sjálfsmyndar og sjálfstrausts
hvetja á jákvæðan og uppbyggilegan hátt
Nemandi skal geta hagnýtt þá almennu þekkingu og leikni sem hann hefur aflað sér til að:
lesa aðstæður/atburði út frá sálfræðilegu sjónarhorni ...sem er metið með... umræðum, munnlegum og skriflegum verkefnum og prófum
geta beitt sálfræðiaðferðum í vinnu sinni, s.s. einbeitingar-, hugar- og skynmyndarþjálfun ...sem er metið með... umræðum, munnlegum og skriflegum verkefnum og prófum
Í áfanganum er viðhaft leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.