Efnafræði, atóm, frumefni, efnasambönd og efnahvörf
EFNA2EE05
1
efnafræði
atóm, efnasambönd og efnahvörf, frumefni
Samþykkt af skóla
2
5
Farið verður í uppbyggingu atómsins, og hvernig uppbyggingin ákvarðar staðsetningu frumefnisins í lotukerfinu. Fjallað verður um hvaða þættir ráða því hvernig atóm mismunandi frumefna hegða sér gagnvart öðrum atómum. Nemendur öðlast góða þjálfun í notkun lotukerfisins og læra að skilja eðli mismunandi efna og efnatengja. Lögð verður áhersla á magnútreikninga, að nemendur læri að stilla efnajöfnur og átti sig á samspili myndefna og hvarfefna.
Inngangur að náttúruvísindum
Nemandi skal hafa öðlast þekkingu og skilning á:
uppbyggingu atómsins, og samspili öreinda (róteinda, nifteinda og rafeinda)
lotukerfinu og hvernig er hægt að nota það til að átta sig á hvarfeiginleikum atóma
rafeindaskipan atóma, rafeindahvelum, gildisrafeindum og hvernig það kemur saman við lotukerfið
mismunandi gerðum af efnatengjum, jónatengjum, samgildum tengjum, skautuðum samgildum tengjum, málmtengjum, Van der Waals tengjum og vetnistengjum
efnajöfnum og varðveislu atóma í efnahvörfum
Nemandi skal hafa öðlast leikni í að:
meðhöndla tölur og mælistærðir í efnafræði
framkvæma verklegar æfingar og vinna úr niðurstöðum þeirra
setja upp og stilla efnajöfnur
aðgreina efni í frumefni, efnasambönd og efnablöndur
beita mólhugtakinu og tengja það hlutföllum í efnajöfnum
nota lotukerfi , m.a. til að spá fyrir um hleðslu jóna
segja til um eiginleika einstaka frumefna
Nemandi skal geta hagnýtt þá almennu þekkingu og leikni sem hann hefur aflað sér til að:
sýna sjálfstæði í vinnubrögðum og bera ábyrgð á eigin námsframvindu ...sem er metið með... reglulegum verkefnaskilum
vinna í hóp til þess að auka skilning á fyrirbærum og ferlum í efnafræði ...sem er metið með... verklegum æfingum umræðum, heimadæmum og prófi
tengja efnafræði við daglegt líf og umhverfi og sjá notagildi hennar ...sem er metið með... umræðum og verkefnum
Í áfanganum er leiðsagnarmat með símati alla önnina. Öll verkefni gilda til einkunnar og þess vegna er það mikilvægt að nemendur stundi námið reglulega.