Lögð er áhersla á grundvallaratriði aflrása. Fjallað er um nöfn, gerð og hlutverk íhluta og kerfa og hvernig þau starfa sjálfstætt og/eða sem heild í ökutækinu. Farið er yfir mismunandi kröfur til aflrása eftir notkunarsviði ökutækisins. Reiknuð eru drifhlutföll.
Nemandi skal hafa öðlast þekkingu og skilning á:
algengum aflrásum ökutækja með ýmsar drifútfærslur
helstu gerðum kúplinga og einingum þeirra
mismunandi handskiptum gírkössum og íhlutum þeirra
helstu eiginleikum sjálfvirkra gírkassa og íhlutum þeirra
driföxlum og algengum drifliðum
íhlutum drifa og mismunadrifa
Nemandi skal hafa öðlast leikni í að:
reikna drifhlutfall í aflrás
Nemandi skal geta hagnýtt þá almennu þekkingu og leikni sem hann hefur aflað sér til að:
lýsa virkni helstu tækja, vélbúnaðar og kerfa aflrásarinnar
lýsa virkni kúplinga
lýsa virkni handskiptra gírkassa og tilgangi þeirra
lýsa virkni sjálfvirkra gírkassa og tilgangi þeirra
lýsa kröfum til drifliða
lýsa tilgangi drifa og virkni mismunadrifa
Verklegt mat; nemandinn sýnir þekkingu sína og hæfni með því að benda á og lýsa virkni vélahluta og kerfa sem farið er yfir í áfanganum.
Skriflegt mat; nemandinn leysir próf sem fjallar um viðfangsefni áfangans.